Peruo en la Vintra Olimpiko 2010
sporta delegacio From Wikipedia, the free encyclopedia
sporta delegacio From Wikipedia, the free encyclopedia
La perua teamo aktiva en la Vintra Olimpiko 2010 en Vankuvero havis 3 sportistojn. Ili partoprenis en 2 fakoj. Flagtenanto de la perua teamo estis Roberto Carcelen. La sportistoj atingis neniun medalon.
| Peruo en la Vintra Olimpiko 2010 | ||||
 | ||||
| Vintra Olimpiko 2010 en Vankuvero | ||||
| Flagtenanto: | Roberto Carcelen | |||
| Sportistoj | 3 en 2 fakoj | |||
| Medaloj rango: |
Oro 0 |
Arĝento 0 |
Bronzo 0 |
Sume 0 |
La delegacio sendita al Vankuvero, Brita Kolumbio, Kanado de la 12-a ĝis 28-a de februaro 2010 markis la debuton de Peruo ĉe la vintraj olimpikoj. La perua delegacio konsistis el tri sportistoj: du aparte junaj alpaj skiantoj — Manfred Oettl Reyes (16-jara) kaj Ornella Oettl Reyes (ĵus 18-jara) — kaj la skikuristo Roberto Carcelen (40-jara), kiu estis elektita kiel la flagportanto por la malferma kaj ferma ceremonioj. La plej bona rezulto en iu vintra olimpika konkurso estis la 67-a loko en la vira slalomega konkurso de la 16-jarulo.
Peruo unue konkuris ĉe la Someraj Olimpikoj ĉe la Berlinaj Ludoj en 1936, kaj kun la escepto de la Helsinkaj Ludoj en 1952, partoprenis ĉiujn Somerajn Olimpikoj poste. La Olimpiko de Vankuvero tamen markis la unuan partoprenon de perua teamo en Vintraj Olimpikoj.[1] La perua delegacio konsistis el tri atletoj, la alpaj skiantoj kaj gefratoj Manfred kaj Ornella, kiuj estas idoj de germana patro kaj perua patrino kaj tial rajtas je du pasportoj, sed fakte preskaŭ la tutan vivon estis lernejanoj kaj trejnis skiadon en suda Germanio kaj okcidenta Aŭstrio, nur dufoje mallonge feriis en Peruo, kaj skikuranto Roberto Carcelen, kiu lernis skikuradon de sia usona edzino kaj antaŭ 2010 translokiĝis kun ŝi al Seatlo, Usono, kie eblis bone plutrejni. Li estis antaŭlasta en sia konkurso en 2010 kaj estis senŝanca en 2014, havinte plurajn ripajn frakturojn post antaŭa akcidento.
La Olimpika Komitato Perua jam 4 jarojn antaŭe provis sendi kvar sportistojn al la vintra olimpiko, sed tiam ĉio pri la organizado misfunkciis, ke la sportistoj ne povis partopreni. En 2014 la samaj tri homoj reprezentis Peruon en la olimpiko de Soĉio, al Suda Koreio en 2018 ne venis peruano, kaj Ornella denove konkuris en la olimpiko 2022 en Pekino. Tial tiu artikolo provizore restu la sola pri la perua partopreno en vintraj olimpikoj - en la biografia artikolo pri Manfred Oettl Reyes eblas legi pliajn detalojn pri la olimpika debuto.
 la teamo en la malferma ceremonio |
 la tri sportistoj pli detale[1] |
 |
 Roberto Carcelen portrete |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
