Perovo (distrikto de Moskvo)

Perovo (ruse Перово) estas administra distrikto kaj samnoma municipo en Orienta arondismento de Moskvo, Rusio.

Por aliaj signifoj, bv. rigardi la apartigilan paĝon: Perovo (apartigilo)

distrikto Perovo
ruse Перово
distrikto de Moskvo
Flago	Blazono
municipa distrikto, distrikto de Moskvo [+]
Lando	Rusio
Regionoj	Centra federacia regiono, Moskvo
- koordinatoj	56° N, 38° O (mapo)55.7413888937.77472222 [+]
Loĝantaro	135 095 [+] (2002)
Perovo (distrikto de Moskvo) (Tero)
distrikto Perovo (Moskvo) DEC
distrikto Perovo
Vikimedia Komunejo:  Perovo [+]
En TTT: Oficiala retejo [+]
v • d • r

Perovo estas nomita de apudmoskva urbo Perovo kiu ekzistis dum 1925 — 1960 kaj poste fariĝis parto de Moskvo. La nuna Perovo estas nur parto de la estinta urbo. La distrikto okupas 973 hektarojn kaj estas unu el plej grandaj en Moskvo.

Perovo enhavas multajn kutimajn 5-, 9- kaj 12-etaĝajn domojn konstruitajn dum 1960-aj jaroj, restis ankaŭ kelkaj pli malnovaj konstruaĵoj.

Loĝantaro

Estrarejo de Perovo kaj Novogirejevo

Loĝantaro de Perovo laŭ jaroj:

2002	2010 (ruse)	2014
134,7 mil	139,4 mil	140,7 mil

Laŭ tutrusia popolnombrado de 2010 en Perovo estas 139351 loĝantoj, el ili 61341 (44,02 %) viroj kaj 78010 (55,98 %) virinoj.

Fizika geografio kaj naturo

Reliefo

Perovo same kiel la tuta orienta parto de Moskvo kaj Orienta Apudmoskvo situas sur Meŝĉora malaltebenaĵo. Tial reliefo de la distrikto ne enhavas altajn lokojn.

Klimato

Klimato de Perovo similas tutmoskvan.

Akvujoj

Rivero Niŝĉenka ne glaciiĝis vintre

Kupavna lageto kaj kinejo "Vladivostok"

Grandaj akvujoj mankas. Kelkaj akvofluoj en Perovo fluas (parte aŭ tute) subtere:

• Niŝĉenka; preskaŭ tuta estis forigita subteren; fluas apud la uzino "Kompressor", iomete videblas de sur fervojoj; verŝajne en Perovo komenciĝas ĝia eta alfluanto rivereto Perovskij ^[1];
• Ĉuriliĥa; verŝajne komenciĝas en Perovo sed aperas surtere nur en sud-okcidenta parto de Moskvo.

Lagetoj en Perovo:

• Kupavna lageto (en parko Perovo apud kinejo "Vladivostok"); en la parko estas ankaŭ unu alia sennoma lageto (apud strato Korennaja);
• Vladimira lageto (apud metrostacio Ŝosse Entuziastov);
• du teknikaj akvujoj apud fervojo.

Flaŭro kaj bestaro

En la distrikto estas kreskaĵaro kaj bestaro sama kiel en la tuta Moskvo. Tamen estas kelkaj kreskaĵoj nuntempe ekzistantaj nur en Perovo kaj ĝiaj ĉirkaŭaĵoj.

En Perovo troviĝas malgranda parko "Perovskij" kun multaj arboj (kverkoj, aceroj, kaŝtanarboj ktp.) kaj floroj. En najbaraj distriktoj situas kelkaj arbaroj (Izmajlovo, Kuskovo).

Ekologia situacio

Malgraŭ la Orienta arondismento estas riĉa je kreskaĵaro, ekologie Perovo estas unu el malbonŝancaj distriktoj de Moskvo ^[2]. Niŝĉenka, la loka eta rivero, eltas la plej malpurigita rivero de Moskvo ^[3].

Historio

Pli detalaj informoj troveblas en artikolo Perovo (urbo).

Perovo estas elemento de Moskvo ekde 1960.

Stratoj

Plej gravaj stratoj:

Nomo en Esperanto	Nomo ruse
Ŝoseo Entuziastov	Шоссе Энтузиастов
Pleĥanov-strato	Улица Плеханова
Verda avenuo	Зелёный проспект
Strato 1-a Vladimirskaja	Первая Владимирская улица
Strato Perovskaja	Перовская улица
Strato Metallurgov	Улица Металлургов
Strato Novogirejevskaja	Новогиреевская улица

Transporto

Metrostacio Perovo

Metroo kaj fervoja transporto

La distrikton trairas 080 Kalininsko-Solncevskaja linio de la Metroo de Moskvo. En Perovo situas stacioj Ŝosse Entuziastov kaj Perovo.

En Perovo estas fervojaj stacioj "Aviamotornaja", "Andronovka", "Perovo" (de Kazana stacidomo al Rjazan kaj Kazano). De "Perovo" estas transirejo al fervoja stacio Ĉuĥlinka (de Kurska stacidomo al Vladimir). Estas ankaŭ malgranda parto de Moskva cirkla fervojo (ne funkcias por pasaĝeroj).

Surtera transporto

En Perovo estas itineroj de pasaĝera aŭto-transporto:

• aŭtobusoj №№ 7, 20, 36, 46, 83, 125, 131, 141, 211, 214, 254, 617, 659, 702, 776, 787, apudurbaj: 322, 326, 337, 385, 444, ;
• trolebusoj №№ 30, 53, 68, 77;
• tramoj №№ 8, 24, 34, 36, 37;
• marŝrutkoj.

Arkitekturaj vidindaĵoj

Kristana preĝejo de Dipatrino en komenco de printempo

La plej elstara konstruaĵo estas kristana preĝejo sur Lazo strato (de 17-18-aj jarcentoj). Ĝi situas en historia centro de Perovo apud la parko "Perovskij" kaj ĉe la loko de estinta Perova bieno. Apude situas kinejo "Vladivostok" (aperis en jaro 1967).

En Perovo kelkaj plej oldaj domoj ekzistantaj ekde fino de 1940-aj jaroj troviĝas laŭ Ŝoseo Entuziastov.

Apud Zeljonij avenuo ĝis nun restis kelkaj interesaj domoj konstruitaj de militkaptitoj el Germanio dum la Dua mondmilito.

Sporto

En parko "Perovo" funkcias futbala stadiono Lokomotiv-Perovo kun futballernejo por infanoj; ĝi estis ĉefa stadiono por futbalklubo Lokomotiv-2 Moskvo.

Perovo en beletro

• Sergej Lukjanenko, "Nokta patrolo" ^[4] (ruse Ночной дозор)
• Sergej Kuznecov, "Marmora paradizo" (ruse Мраморный рай)
• Pri la urbo Perovo kaj la antaŭa tempo: Dmitrij Kedrin, versaĵo "Al Perovo venis apudmoskva aŭtuno..." (ruse В Перово пришла подмосковная осень..., 1936)

Referencoj

1. Perovskij rivereto (ruse)
2. Ekologia mapo de malpurigo de Moskvo (ruse)
3. Niŝenka estas la plej malpura rivero de Moskvo (ruse)
4. Eldono de "Nokta patrolo" en Esperanto (eldonejo "Impeto")

Vidu ankaŭ

• Listo de distriktoj de Moskvo

Eksteraj ligiloj

• Kategorio Perovo (distrikto de Moskvo) en la Vikimedia Komunejo (Multrimedaj datumoj)

• Oficiala paĝaro de la estraro Arkivigite je 2013-03-17 per la retarkivo Wayback Machine (ruse)
• Paĝaro kaj forumo de perovanoj (ruse)

PeEnEo: 429566