urbo en Bulgario From Wikipedia, the free encyclopedia
Orjaĥovo (bulgare: Оряхово, angle: Oryahovo) estas havenurbo ĉe la dekstra bordo de Danubo en norda Bulgario. Ĝi situas malsupre (oriente) de la enfluo de Ogosto en Danubon. En 2022 ĝi kalkulis 4 799 loĝantojn.[1]
Orjaĥovo | |||
---|---|---|---|
![]() | |||
limurbo municipa ĉefloko urbo en Bulgario ![]() | |||
Blazono | |||
Administrado | |||
Lando | Bulgario | ||
Provinco | Vraca | ||
Poŝtkodo | 3300 | ||
Aŭtokodo | ВР | ||
Telefonkodo | 09171 | ||
Retpaĝaro | oriahovo.bg | ||
Demografio | |||
Loĝantaro | 6,651 | ||
Loĝdenso | 92 loĝ./km² | ||
Geografio | |||
Koordinatoj | 43°44′N 23°58′O (mapo) | ||
Alto | 173 m | ||
Areo | 50,792 km² ( 507 9.2 ha) [+] | ||
Horzono | UTC+02:00 [+] | ||
| |||
Alia projekto | |||
![]() | |||
Pramo konektas la urbon al la rumana urbo Bechet aliborde. Estas planoj konstrui ponton.
Arkeologiaj trovaĵoj pruvas, ke la loko estis loĝata jam en Neolitiko. En historiaj tempoj la nomoj de la urbo variis: dokumentoj mencias Vrhov, Orezov, Oreov kaj Rahovo, kaj ekde 1886 la moderna nomo estas Orjaĥovo. En 1886 la nuna nomo estis oficiale alprenita. La nomo Rahov ankoraŭ estas menciita en la Enciklopedio de Esperanto sub la gloso de insulo Esperanto.
Orjaĥovo situas 190 km nord-oriente de Sofio kaj 75 km norde de Vraca. Male al la aliborda rumana urbo Bechet ĝi situas rekte ĉe Danubo kaj posedas havenon. Laŭ alto la urbo etendiĝas de 30 m super marnivelo (ĉe Danubo) ĝis 226m. Je 95 km oriente estas la sekva iom granda urbo ĉe Danubo, Nikopol.
La haveno servas ne nur la pramon al la alia riverbordo, sed ankaŭ la trafikon laŭlonge de Danubo.
Al aŭta trafiko servas la bulgaraj vojoj 11 (orienten kaj sud-okcidenten) kaj 15 (okcidenten). La pramo atingas la rumanan nacian vojoj DN 55, kiu iras norden al Craiova.
Al la komunumo Orjaĥovo apartenas krom la urbo jenaj vilaĝoj: Selanovci, Leskovec, Galovo, Ostrov, Gorni Vadin kaj Dolni Vadin. Ĉiuj situas oriente de la urbo, ĉe aŭ ne tro malproksime de la Danubo.
Insulo Esperanto, granda je 180 hektaroj[2], situas ĉ. 5 km oriente de la urbo, proksime de vilaĝo Leskovec (survojo al Nikopol). La 1-an de septembro 1930 la urbestraro de Orjahovo oficiale nomumas la duan plej grandan insulon en Danubo je la nomo "Esperanto"[3].
La insulo estas neloĝata, kovrita de arbaro. La rivera brako inter ĝi kaj la bulgara riverbordo estas nur kelkdek metrojn larĝa, foje malpli; la pliparto de la rivero fluas aliflanke.
Sur la vidalvida riverbordo situas loko por ripozo kun strando, parko kaj restoracio. En 1933 oni finkonstruas tie turisman domon "Esperanto"[3]. La areo ankaŭ estis nomita Esperanto, ĉar ĉi tie en 1937 okazis Universala Kongreso de Esperanto.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.