universitato ĉe Raleigh, Norda Karolino, Usono From Wikipedia, the free encyclopedia
Nord-Karolina Ŝtata Universitato (angle North Carolina State University, ankaŭ mallonge nomata NC State, North Carolina State, NC State University [1] kaj akronime NCSU) estas publika universitato situanta en Raleigh, la ĉefurbo de Norda Karolino, Usono [2]. Ĝi estis fondita en 1887 kaj antaŭe estis nomita North Carolina College of Agriculture and Mechanic Arts.
En la printempo de 2017, ĉirkaŭ 32 000 studentoj studis en la universitato, el kiuj ĉirkaŭ 23 000 por bakalaŭroj kaj ĉirkaŭ 9 000 por altnivelaj diplomoj. Ĉi tiu nombro igas NCSU la plej granda universitato en la karolinoj, kaj norda kaj suda [3]. Inter la konataj diplomiĝintoj de la universitato estas Robert Gibbs, John Edwards kaj Russell Wilson [4].
La universitato ofte estas en la supraj 100 lokoj de la Ŝanhaja rangotabelo kaj de la revuo US News & World Report [5].
La universitato estis fondita en marto 1887 fare de la ŝtato sub la nomo "North Carolina College of Agriculture and Mechanical Arts". Ĉe tiu tempo la kolegio estis malfermita nur al blankuloj. En 1918, la jaro de la kolegio estis ŝanĝita al la "Ŝtata Kolegio de Agrikulturo kaj Inĝenieristiko". En 1931 la nomo denove estis ŝanĝita kaj la kolegio iĝis la Ŝtata Universitato. En 1947 lernejo de dezajno kaj arkitekturo estis establita en la universitato kaj en 1950 la lernejo de eduko ankaŭ estis establita [6].
En la somero de 1956, sekvante la Brown v. Board of Education verdikto (1954), afro-usonanaj studentoj ankaŭ komencis studi en la universitato [7]. En 1966, pli ol 10,000 studentoj jam studis en la universitato, kaj en la 1970-aj jaroj la Lernejo de Humarecoj kaj Sociaj Sciencoj estis establita [3]. En 1987, dum la 100-a datreveno de la institucio, la NCSU spertis grandskalan renovigadon kun investo de centoj da milionoj da dolaroj [8].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
