Nikol Paŝinjan

Nikol PAŜINJAN (armene: Նիկոլ Փաշինյան; naskiĝis la 1-an de junio 1975) estas armena politikisto servanta kiel Ĉefministro de Armenio ekde la 8-a de majo 2018 (kiel funkcianta ĉefministro ekde la 16-a de oktobro 2018). Li estas iama ĵurnalisto kaj redaktisto.

Nikol Paŝinjan
Persona informo
Նիկոլ Փաշինյան
Naskiĝo	1-an de junio 1975 (1975-06-01) (49-jaraĝa) en Iĝevano,  Sovetunio
Religio	Armena Apostola Eklezio vd
Lingvoj	armena • rusa • angla • franca vd
Ŝtataneco	Armenio (1991–) Sovetunio (1975–1991) vd
Alma mater	Erevana Ŝtata Universitato (1991–1995) vd
Partio	My Step Alliance (en) (2018–) Armenian National Congress (en) (2008–2012) Civila Kontrakto Impeachment Union (en) “Foriro” Alianco vd
Subskribo
Familio
Edz(in)o	Anna Hakobyan (en) vd
Infanoj	4
Profesio
Okupo	politikisto verkisto ĵurnalisto aktivulo vd
Postenoj Postenoj Ĉefministro de Armenio (2021–) Ĉefministro de Armenio (2021–2021) Ĉefministro de Armenio (2018–2021) member of the National Assembly of Armenia (en) (2012–2018) member of the National Assembly of Armenia (en) member of the National Assembly of Armenia (en) member of the National Assembly of Armenia (en) vd
Honorigoj Honorigoj  Ordeno de Papo Pio la 9-a vd
En TTT	Oficiala retejo vd
vd	Fonto: Vikidatumoj
v • d • r

Paŝinjan, elstara ĵurnalisto, unue fondis sian propran ĵurnalon en 1998, kiu estis fermita unu jaron poste. Li estis kondamnita dum jaro pro kalumnio kontraŭ tiama Ministro de Nacia Sekureco Serĵ Sargsjan. Li redaktis Hajkakan Ĵamanak (Armena Tempo) de 1999 ĝis 2012. Simpatianto de la unua prezidanto Levon Ter-Petrosjan, li estis tre kritika kun la dua prezidanto Robert Koĉarjan, Ministro de Defendo Serĵ Sargsjan, kaj iliaj aliancitaj oligarkoj. Paŝinjan gvidis negravan opozician partion en la parlamentaj elektoj de 2007, akirante 1,3% el la voĉdonoj. Li estis sincera subtenanto de Ter-Petrosjan, kiam ĉi-lasta faris politikan revenon antaŭ la prezidant-elekto en 2008. Ter-Petrosjan estis venkita de Serĵ Sargsjan en balotado kun ĝeneraligita voĉdona fraŭdo kaj perforto. Konata pro siaj akraj paroladoj, Paŝinjan havis gravan rolon en la postelektaj protestoj, kiuj estis perforte subpremitaj de registaraj fortoj la 1-an de marto 2008, rezultigante la morton de 10 homoj. Paŝinjan, kulpigita pri "organizado de amasaj malordoj", kaŝiĝis, nur por reaperi meze de 2009. Li estis kontestate kondamnita al sep jaroj en malliberejo; movo vaste vidita kiel politike motivita. Li estis liberigita en majo 2011 kiel parto de ĝenerala amnestio. Li estis elektita al parlamento de la ampleksa opozicia koalicio de Ter-Petrosjan, la Armena Nacia Kongreso, en 2012.

Li poste rompis amikecon kun Ter-Petrosjan pro politikaj kialoj, establante la partion Civila Kontrakto. Kune kun du aliaj opoziciaj partioj, Paŝinjan formis aliancon kun Eliro, kiu akiris preskaŭ 8% de la voĉdonoj en la parlamentaj elektoj de 2017. Li estis la gvidanto de la armena revolucio de 2018, kiu devigis la tiaman ĉefministron Serĵ Sargsjan demisii. La 1-an de majo 2018, li malsukcesis akiri sufiĉajn voĉojn de la parlamento por fariĝi ĉefministro, sed estis elektita en la dua voĉdono la 8-an de majo.

• Kategorio Nikol Paŝinjan en la Vikimedia Komunejo (Multrimedaj datumoj)
• Nikol Paŝinjan en Vikinovaĵoj (Liberaj novaĵoj)

PeEnEo: 645037 GND: 1158606435 LCCN: no2019003615 VIAF: 31153124282524491421 2026152637852820220009, 31153124282524491421 ISNI: 0000000485142648 SUDOC: 23145578X BNF: 17877375c