From Wikipedia, the free encyclopedia
La Montaña Palentina (Palencia Montaro, aŭ Montaro de Palencio) estas komarko de la provinco Palencio, en la regiono Kastilio kaj Leono, en Hispanio, kiu enhavas loĝantaron de ĉirkaŭ 21 000 personoj. Tio kongruas kun la subprovinca divido uzata de la municipara organizo Diputación de Palencia en ĝiaj publikaĵoj, kvankam tio ne tute kongruas kun la natura komarkaro, ĉar tiu ne inkludas La Valdivia, pli oriente. Aguilar de Campoo konstituas la urban kernon plej loĝatan, kun ĉirkaŭ 6 800 loĝantoj.
.svg)
La komarko Montaña estas unuigita laŭ geografio pro la kruteca trajtaro, kvankam tradicie la komunikoj ne estis facilaj inter la diversaj sektoroj fakte pro tiu sama tialo. La nomo Palentina referencas al aparteno al administracia unuo, nome la provinco Palencio, kvankam la granda distanco al la ĉefurbo Palencio kaj la diferenco kun la cetero de la komarkoj de tiu provinco faras ĝin tre aparta areo.
La Montaña Palentina posedas naturan medion de granda media kaj pejzaĝa kvalito, kiu estas konservata grandparte sub tri protektaj figuroj nome la jenaj: Natura Parko Montaña Palentina, Natura Loko Covalagua kaj Natura Loko Las Tuerces. La pejzaĝaj kaj etnografiaj karakteroj faras ĝin tre altira kiel ekzemplo de rura turismo. En la lastaj jaroj oni atingis turisman infrastrukturon kaj rimedojn plifirmigitajn, kio rezultas en la konsidero de turismo kiel unu de la strategiaj elementoj por revivigi tiun teritorion, sen forgesi la integradon kun la cetero de la ekonomia aktiveco de la komarko.
Formas la komarkon 18 municipoj kiuj enhavas 158 loĝlokojn.
La municipoj kaj ties loĝantaro estas jenaj:[1]
| Municipo | Loĝantaro |
|---|---|
| Aguilar de Campoo | 6842 |
| Barruelo de Santullán | 1183 |
| Berzosilla | 41 |
| Brañosera | 246 |
| Castrejón de la Peña | 360 |
| Cervera de Pisuerga | 2316 |
| Dehesa de Montejo | 136 |
| Guardo | 6153 |
| La Pernía | 320 |
| Mudá | 82 |
| Polentinos | 42 |
| Pomar de Valdivia | 463 |
| Respenda de la Peña | 154 |
| Salinas de Pisuerga | 317 |
| San Cebrián de Mudá | 162 |
| Santibáñez de la Peña | 1044 |
| Triollo | 64 |
| Velilla del Río Carrión | 1299 |
| Totalo | 21 224 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
