From Wikipedia, the free encyclopedia
La Mondragón Corporación Cooperativa (MCC) estas la plej granda grupo de kooperativoj kaj entreprenoj de sociala ekonomio en la mondo, kun sidejo en Mondragón, en la hispania Eŭskio. Ĝi agadas dismonde, kaj al ĝi apartenas entreprenoj de diversaj ekonomiaj sektoroj ekz. de maŝinproduktado, aŭtomobila industrio, ĉedomaj aparatoj, konstrua industrio, podetala komerco, financoj kaj asekuro.
| Mondragón Corporación Cooperativa | ||
|---|---|---|
 | ||
 | ||
| negoco • co-operative federation • entrepreno vd | ||
| Dum | 1956 - nekonata/nuntempe | |
| Jura formo | co-operative federation | |
| Fondintoj | José María Arizmendiarrieta vd | |
| Ĉefestro(j) | Iñigo Ucín vd | |
| Sidejo | Arrasate | |
| Lando | Hispanio | |
| Dungitoj | 81 507 (stato: 2019) | |
| filiaj kompanioj | Mondragon Corporation (New Zealand) vd | |
| Posedataj kompanioj | Fagor • Mondragon Assembly • University of Mondragón • ULMA Construction • ULMA Architectural Solutions • Orbea • Dikar • Urssa • Q8960761 • Q8561619 • Laboral Kutxa • Eroski • Oiarso Sociedad Cooperativa vd | |
| TTT | Oficiala retejo | |
En la financa jaro de 2020 ĝi havis enspezon de 10 865 milionoj da eŭroj kun totala laborantaro de 79 931 [1] dungataj laboristoj en pli ol cento da entreprenoj okupiĝantaj pri kvar agadkampoj: financo, industrio, podetala komerco kaj edukado kaj trejnado.
La kompanio funkcias laŭ humanisma komerca modelo bazita sur promocio de dungitoj kaj kunpartnereco en posedo kaj decidado, kune kun klopodo por komerca pliboneco.
La kooperativo estis fondita en la urbeto Mondragón en la eŭska provinco Gipuzkoa, kie ĝi havas eĉ hodiaŭ la ĉefsidejon. Dum la Hispana enlanda milito, la urbeto suferis pro la amasa senlaboreco. La juna pastro José María Arizmendiarrieta decidis malpliigi la mizeron de la loĝantaro per kooperativa strukturo, memhelpo.
Arizmendiarrieta konstruis en 1943 demokratie organizitan faklernejon, kiu ludis ĉefrolon en la posta kooperativa agado en Eŭskio. Tri jarojn post la fondo de la unua kooperativo, per kvin finstudintoj establis Arizmendiarrieta la sparkason Caja Laboral Popular, kiu financis la kooperativojn kaj ties novestablon. La specifa aspekto estis la malplia rentumo kompare al normalaj komercaj agadoj.
Ĉiu membro de la kooperativo havas unu akcion, kiu donas al li la rajton voĉdoni en la ĝenerala kunveno.
La kompanio ja havas diferencan salajron. En la pasinteco la salajrodiferenco en la korporacio estis 1: 3, sed kun la ŝanĝoj en la ĉirkaŭanta socio, por konservi talentajn dungitojn en la korporacio, la rilatumo altiĝis al 1:11. Malgraŭ tio, la minimuma salajro en la kooperativo estas 13% pli alta ol la mezsalajro en la ĝenerala labormerkato, kaj la administra kaj estra salajro estas 30% pli malalta ol tio, kio kutimas en la merkato por samgrandaj entreprenoj.
La kooperativo havas ĝenerala asembleo de 650 membroj elektitaj el inter la diversaj kooperativoj. Ĉiujare ĝenerala kunveno estas kunvokita por elekti regantan konsilion rajtigitan kiel la funkciiga organo de la kooperativo. Krome, ĉiu aparta entrepreno en la grupo havas entreprenan komitaton, kiu nomumas prezidanton - kiu laboras kune kun la direktoro de la firmao pri administrado kaj disvolviĝo de la entrepreno.
Haveblas al ĉiuj entreprenoj en la kooperativo jenajn kvaropon da komuna iloj je ilia dispono:
Financoj - Je ilia dispono estas la kreditkooperativo "Kaha LaBoral", kiu estas la financa infrastrukturo por la agado de ĉiuj entreprenoj en la kooperativo. La banko ankaŭ laboras kun klientoj kaj kompanioj ekster la kooperativo, sed provizas rabatitajn bankajn servojn al la kooperativaj entreprenoj. La akcia dishavo en la banko dividiĝas je 50% por kooperativoj, 28% por bankaj dungitoj, 14% por konsumantoj (kiuj kuniĝis dum la komerca fuzio inter Kaha-Laboral kaj la konsumantara-kooperativa banko "Hyper Kocha") kaj 8% pensiuloj.
Edukado - trejnado de novaj dungitoj por absorbo en kooperativaj entreprenoj ene de la Universitato de Mondragon - kiu ankaŭ funkcias kiel komuna kooperativo por instruistoj, studentoj kaj aliaj koncernantoj. Krome, multaj el la studentoj estas sindikatigitaj ene de la Alcoop-Kooperativo - entrepreno por edukaj helpoj kaj posteniga kompanio por la diversaj entreprenoj en la kooperativo, kiu gravuris sur sia standardo por krei laborpostenojn taŭgajn por studentoj kaj komplementajn al iliaj studhoraroj en la universitato. Aldone ekzistas la kooperativo "Otalora" - la centro por administrado kaj kunlabora disvolviĝo, kiu ofertas trejnadon por elektitaj gvidaj teamoj en la diversaj kooperativoj, kursojn pri administrado kaj kultura disvolviĝo.
Bonfarto - la kooperativo nomata "Lagun Aro" ("Tempo por Membreco"), neprofitcela organizo, kiu provizas suplementan kaj pensian asekuron al membroj de Mondragon.
Esploro kaj disvolviĝo - Mundragon funkciigas 14 kompaniojn pri esplorado kaj disvolviĝo, kiuj estas uzataj de la diversaj entreprenoj de Mondragon, kaj kunlaboras kun la Mundragon Universitato.
En la lastaj jaroj, post la procezo de tutmondiĝo kaj konkurenco en la merkato, la kooperativo kaj siaj entreprenoj ankaŭ komencis dungi dungitojn, kiuj ne estas membroj de la kooperativo. La kooperativo posedas fabrikoj kiuj estis establitaj ekster Eŭskio, ekz en Ĉinio kaj Sudameriko. Ĉi tiuj eksteraj fabrikoj, kvankam ne kooperativaj, estas administrataj tiel ke la laboristoj ja iom estas miksitaj en la decida procezo pri la funkcio de ilia laborejo, kaj en iuj el ili la kooperativo jam komencis kooperativigajn procezojn.
La lernejoj kaj universitato de la kooperativo ankaŭ estas malfermitaj al la ĝenerala publiko. Male al la grandaj kooperaj movadoj, kiel en Israelo - la kibuco kaj la moŝavo, la membroj de Mondragon ne loĝas en komuna komunumo, kaj la kooperativo servas ilin ĉefe kiel laborejo kaj servo.
Mondragon havas 10 bazajn valorojn, kiuj gvidas la ekonomian agadon de la kooperativo:
La plej supra decida organo estas la kooperativa kongreso kun 650 membroj, kiuj estas delegitoj de kooperativoj. La jara kunveno elektas la "regantan konsilion", kiu respondecas pri la taga agado. Ĉiu kooperativo havas propran uzinan konsilion, kiu elektas prezidanton, kiu konsilas la gvidantojn de la uzino.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
