Meteoro[1] eniris la atmosferon de la Tero kiel bolido je ĉirkaŭ 09:13 Jekaterinburga tempo (03:13 UTC) dum la mateno de 15-a de februaro 2013,[2][3] kun rapideco de almenaŭ 15 km/s,[4][5] ĉirkaŭ 44-oble pli rapide ol sono, super la suda Uralo de Rusio, kaj frakasiĝis super la grandurbo de Ĉeljabinsk.[noto 1] Ŝajnas, ke granda fragmento trafis al Ĉebarkulo.[6] La Rusia Akademio de Sciencoj taksis ke la meteoro, nomita KEF-2013,[7] havis mason de 10 tunoj[8] kaj la aereksplodo okazis en alteco inter 30–50 km super la grundo.[9] La objekto havis diametron proksimume du ĝis kvar metrojn.[10] La meteoro estis detektita nek per radaro nek per teleskopo antaŭ ĝia aliro.[11]
 
| |
Ĉeljabinsk ene de Rusio |
Dum la unua tago ne ekzistis sufiĉe da certa informo, kio kaŭzis multajn elpensaĵojn. Iuj serĉis, ke la urbo Ĉelabinsk estas tute detruita. Estis supozoj, ke la meteorŝtono estas danĝera pro radioaktiveco aŭ kemia konsisto. La eksplodo estis videbla de preskaŭ la tuta teritorio de Suda Uralo kaj Norda Kazaĥio, kaj multaj tiam ne sciis, kien do ĝi falis. La ĉefa rusia televidkanalo erare raportis pri „grandega brulanta kratero“ [12], aperinta sur la loko de falo; poste evidentiĝis, ke la montrita kratero estas gasa, situas en Turkmenio kaj tute ne rilatas al la evento[13]. Populara ĵurnalisto Julija Latinina en opoziciema „Novaja Gazeta“ supozis, ke la meteoro estis fakte fiaskinta testo de nova armilo (raketo); ŝi poste petis, ke la teksto estu deprenita de la gazeta paĝaro[14], tamen la frazo el la teksto — „Mi ne estas raketisto. Mi estas filologo“ — iĝis populara en la rusa sugmento de interreto kaj estas uzata, kiam nefakulo komencas publike diskuti pri iu teknikaĵo[15].
Multaj homoj el Ĉelabinsk kaj aliaj regionoj serĉis elementojn de la meteorŝtono. Jam dum kelkaj horoj post la eksplodo en la interreto aperis proponoj pri vendado de ĝiaj elementoj (kontraŭ prezoj ĝis 500 mil rubloj). Tamen rapide evidentiĝis, ke plia parto de tiaj proponoj estas falsigo. Pro tio esproristoj konsilis al dizirantoj atendi ĝis oficiala decido de la Rusia Akademio de Sciencoj[16]. La plej granda ero de la meteorŝtono estis trovita kaj suprenigita el la lago Ĉebarkul la 16-an de oktobro 2013, pri kio raportis multaj amaskomunikiloj en Rusio[17].
Bildoj
Frakasita vitro de fenestroj
Fuma spuro rigardita elde Jekaterinburg
Damaĝita tegmento de zinka fabriko
Notoj
- Lastan fojon, kiam estis simila fenomeno observita en Ĉeljabinsk estis Kunaŝaka meteorpluvo en 1949, post kiu sciencistoj trovis proksimume 20 ŝtonojn kun suma maso super 200 kg. (31-a de aŭgusto 2000) Catalogue of Meteorites. Cambridge University Press, p. 285–. ISBN 978-0-521-66303-8.
Referencoj
Vidu ankaŭ
Eksteraj ligiloj
Fonto
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
