From Wikipedia, the free encyclopedia
Meghalajo estas malgranda ŝtato en nordorienta Barato. La nomo Meghalajo en la Sanskrito signifas "La nubejon”. Meghalajo estas mallarĝa monteta regiono ĉirkaŭ 300 km-ojn longa kaj 100 km-ojn larĝa.
Meghalajo | |
---|---|
subŝtato de Barato | |
Administrado | |
Statuso | Federacia ŝtato de Barato |
Estas parto de | Barato |
Administra centro | Ŝilongo |
Politiko | |
Estro | Conrad Sangma (ekde 6-a de marto 2018) |
Demografio | |
Loĝantaro (laŭ la stato de 2011) | 2 964 007 |
Loĝdenso | 132 loĝ./km² |
Geografio | |
Areo | 22 429 km² (2 242 900 ha) |
![]() Meghalajo sur la mapo de Barato | |
Geografia situo | 25° 34′ 12″ N, 91° 52′ 48″ O (mapo)25.5791.88 [+] |
Hor-zono | UTC+05:30 [+] |
Kodoj | |
ISO 3166-2 | IN-ML |
Eksteraj paĝoj | |
meghalaya | |
La kategorio en la Komunejo | Meghalajo [+] |
Laŭ la stato de 2014 en la subŝtato vivis 3 211 000 loĝantoj sur areo de 22 429 kvadrataj kilometroj, kio rezultigas loĝdenson de 143 loĝantoj/km². En 2000, la loĝantaro nombris ĉirkaŭ 2 175 000. La ĉefurbo nomiĝas Ŝilongo, kaj havas ĉirkaŭ 260 000 loĝantojn.
Triono de Meghalajo estas arbara, kaj fama pro la biologia diverseco de birdoj, bestoj kaj plantoj.
Norde de la gubernio estas Asamo (norde) kaj sude Bangladeŝo
Meghalajo kreiĝis je la 21a de januaro 1972 el du distriktoj el la gubernio Asamo. La indiĝenoj Ĥasi, Garo kaj Jaintia ĉiuj havis siajn proprajn regnojn antaŭ ol venis la Britoj en la 19a jarcento.
La gubernio konsistas plejparte el indiĝenaj popoloj de la grupoj Khasi, Garo, Jaintia, Koch, Hajong, Dimasa, Hmar, Kuki, Lakhar, Mikir, Rabha, Nepali, ktp.
Meghalajo estas unu el la tri gubernioj en Barato kiu havas kristanan plimulton, kun 70,3% kristanoj. Ankaŭ la aliaj du, Nagalando kaj Mizoramo, troviĝas en nordorienta Barato. En Meghalajo ankaŭ troviĝas 13,3% hinduoj, 11,5% animistoj, kaj 4,3% islamanoj.
Interese, malsame al la plejparto de Barato, tiuj ĉi indiĝenaj grupoj estas patrinliniaj, t.e., posedaĵoj, inkluzive la terpecoj, estas hereditaj de patrinoj al filinoj.
Meghalajo nuntempe havas sep distriktojn.
Mausinram (angle Mawsynram) estas vilaĝo en Meghalajo, 65 mejlojn for de la subŝtata ĉefurbo de Ŝilongo. Tiu vilaĝo estas priskribita kiel la plej malseka regiono sur la tero, kun jara averaĝa pluvo de 11 872 milimetroj.
Pro siaj densaj arbaroj, Meghalajo estas alloga celo por la ekoturismo. La lago Umiam estas plia allogaĵo. Meghalajo havas ĉirkaŭ 500 grotojn, inkluzive la plej longan (Krem Liat Prah) kaj plej profundan (Synrang Pamiang) grotojn de la duonkontinento.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.