![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/53/Lincoln%2527s_Sparrow_at_bird_feeder.jpg/640px-Lincoln%2527s_Sparrow_at_bird_feeder.jpg&w=640&q=50)
Linkolna pasero
From Wikipedia, the free encyclopedia
La Linkolna pasero, Melospiza lincolnii, estas mezgranda birdospecio membro de la grupo de la Amerikaj paseroj kaj de la genro de Melospizoj en la familio de Emberizedoj.
![]() | ||||||||||||
---|---|---|---|---|---|---|---|---|---|---|---|---|
![]() Linkolna pasero | ||||||||||||
Biologia klasado | ||||||||||||
| ||||||||||||
Melospiza lincolnii (Audubon, 1834) | ||||||||||||
Konserva statuso | ||||||||||||
![]() | ||||||||||||
Aliaj Vikimediaj projektoj | ||||||||||||
Plenkreskuloj havas malhelajn striecajn olivecbrunajn suprajn partojn kun helbruna brusto kun fajna strieco, blanka ventro kaj ankaŭ blanka gorĝo. Ili havas brunan kronon kun meza griza strio, olivecbrunajn flugilojn kaj mallarĝan voston. Ties vizaĝo estas griza kun brunaj vangoj, bruna linio tra la okulo kaj okulringo; inter duobla mustaĉa strieco estas pli hela flavecbruna zono. La supra parto de la beko estas pli malhela. Ili estas iome similaj laŭ aspekto al la Kantopasero.
Ties reprodukta biotopo estas humidaj makisoj aŭ arbustaroj en marĉoj de Kanado, Alasko kaj nordorienta kaj okcidenta Usono; tiu birdo estas malpli komuna en la orientaj partoj de ties teritorioj. La nesto estas bone kaŝita neprofunda malferma taso surgrunda sub vegetaĵaro.
Tiuj nearktisaj birdoj migras al suda Usono, Meksiko kaj norda Centrameriko; ili estas pasomigrantaj ĉe multe de Usono, escepte okcidente.
Ili manĝas surgrunde en densa vegetaĵaro, ĉefe insektojn kaj semojn.
Ili estas tre sekretemaj. Ties kanto estas muzikeca trilado, sed tiu birdo estas ofte nek vidata nek aŭdata kvankam ili estas komunaj.
Linkolna pasero ricevis sian nomon de Audubon laŭ lia amiko, Thomas Lincoln, de Dennysville, Maine. Lincoln pafis la birdon dum vojaĝo de Audubon al Nov-Skotio en 1834, kaj Audubon nomigis ĝin "Tom's Finch" en lia honoro.