Libgart Schwarz

Libgart SCHWARZ - prononco [LI:Bgart Ŝvarc] - naskiĝis la 25-an de januaro 1941 en Sankt Veit an der Glan - estas aŭstra aktorino.

Por samtitolaj artikoloj vidu la paĝojn Schwartz kaj Schwarz.

Libgart Schwarz
Persona informo
Naskiĝo	25-an de januaro 1941 (1941-01-25) (83-jaraĝa) en Sankt Veit an der Glan
Lingvoj	germana vd
Ŝtataneco	Aŭstrio vd
Familio
Edz(in)o	Peter Handke (1967–1994) vd
Infanoj	Amina Handke (en) vd
Profesio
Okupo	teatra aktoro filmaktoro scenaristo vd
Aktiva en	Berlino vd
Honorigoj Honorigoj  Oficira Kruco de la Ordeno de Merito de Federacia Respubliko Germanio vd
vd	Fonto: Vikidatumoj
v • d • r

Libgart Schwarz komencis aktoran trejnadon ĉe la Max-Reinhardt-seminario en Vieno en la 1960-aj jaroj. En 1965 ŝi renkontis la romanverkiston Peter Handke. La du geedziĝis en 1967, kaj en 1969 ŝi naskis filinon Amina. La geedzoj disiĝis en 1974 - la filino plejparte restis kun sia patro. La eksgeedziĝo sekvis en 1994.

Ŝi avancis al la ĉefranga ligo de teatraj aktoroj kiam en 1976 ŝi dungiĝis kiel aktorino por la Schaubühne am Halleschen Ufer en Berlino. Antaŭ ĉio, la produktadoj kun la reĝisoroj Peter Stein kaj Luc Bondy alportis al ŝi la plej grandan sukceson. Eĉ post kiam Stein foriris, ŝi restis ĉe la Schaubühne. Ŝia plej grava reĝisoro en la 1990-aj jaroj estis la reĝisorino Andrea Breth. Post kiam ŝi forlasis la teatron, Libgart Schwarz ankaŭ forlasis Berlinon kaj iris al la Burgoteatrejo en Vieno, kie ŝi iĝis parto de la ensemblo.

Libgart Schwarz nur malofte haveblis por filmo kaj televido. En 1970 ŝi ludis la inan ĉefrolon en Summer in the City reĝisorita de Wim Wenders. Wenders dungis ŝin denove por la filmadaptigo de la romano La timo de la golejisto ĉe la penalo de Peter Handke en 1972. La aliaj filmaj verkoj tiam estis plejparte filmitaj teatraj verkoj. En 1991 ŝi aktoris en la filmadaptigo de la romano Malina de Ingeborg Bachmann kune kun Isabelle Huppert kaj Mathieu Carrière. En 2009 ŝi aktoris en la filmo The late bloomers.

Eksteraj ligiloj

• Libgart Schwarz ĉe Interreta filma datumbazo (angle)

Ĉi tiu artikolo ankoraŭ estas ĝermo pri germano. Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).