![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/29/Korn_-_2022156202911_2022-06-05_Rock_am_Ring_-_Sven_-_1D_X_MK_II_-_2645_-_B70I4504.jpg/640px-Korn_-_2022156202911_2022-06-05_Rock_am_Ring_-_Sven_-_1D_X_MK_II_-_2645_-_B70I4504.jpg&w=640&q=50)
Korn
From Wikipedia, the free encyclopedia
Korn (foje stiligita KoЯn, kaj foje KoRn) estas usona bando de nua metalroko el Bakersfield, Kalifornio, formita en 1993. La bando famis kiel pionira de la subĝenro nua metalroko kaj metanta ĝin en la ĉeftendencon.
Korn | |
---|---|
![]() | |
Persona informo | |
TTT | |
Retejo | https://kornofficial.com/ |
Origine formita en 1993 fare de tri eks-membroj de la bando L.A.P.D., la nunan bandanaron de Korn formas de fondaj membroj James "Munky" Shaffer (gitaro); Reginald "Fieldy" Arvizu (basgitaro); Brian "Head" Welch (gitaro, apoga voĉo); kaj Jonathan Davis (ĉefa voĉo, sakŝalmo), kun la aldono de Ray Luzier (drumoj) en 2007, anstataŭ la unua drumisto de la bando, David Silveria.
Korn registris demo-bendon, Neidermayer's Mind, en 1993, kiun oni distribuis senpage al diskeldonejoj kaj laŭ peto de membroj de la publiko.[1] Ilian debutalbumon Korn oni publikigis en 1994, sekvita de Life Is Peachy en 1996. La unua ĉeftendenca sukceso de la bando venis pro Follow the Leader (1998) kaj Issues (1999), ambaŭ el kiuj debutis ĉe la numero unua en la sukcesolisto Billboard 200.[2] La ĉeftendenca sukceso de la bando pluis per Untouchables (2002); Take a Look in the Mirror (2003); kaj See You on the Other Side (2005).
Kompilalbumon, Greatest Hits Vol. 1, ili publikigis en 2004, kolektantan jardekon de unuopaĵoj kaj finante la registrokontrakton de la bando kun Immortal Records kaj Epic Records. Ili subskribis kun Virgin Records, kaj publikigis See You on the Other Side en 2005, kaj sentitolan albumon en 2007. Aliajn pli ĵusajn albumojn de la bando, Korn III: Remember Who You Are (2010) kaj The Path of Totality (2011), publikigis Roadrunner Records, kaj The Paradigm Shift (2013) publikigis Prospect Park kaj Caroline Records. Per The Serenity of Suffering okazis reveno al Roadrunner Records, tra kiu oni publikigis The Nothing la 13an de Septembro, 2019. Ilian lastan albumon, Requiem, publikigis Loma Vista Recordings la 4an de Februaro, 2022.
je 2021, Korn estis vendintaj pli ol 40 milionojn da diskoj tutmonde.[3][4] Dek du el la oficialaj publikigoj de la bando pintis inter dek plej sukcesaj de Billboard 200, ok el kiuj pintis inter la kvin pintaj.[5] Sep oficialaj publikigoj estas platenatestigitaj de la Recording Industry Association of America (RIAA); du estas atestigitaj per duobla plateno; unu per triobla plateno; unu per kvinfoja plateno; kaj du per ora atestilo.[6]
Korn publikigis sep videoalbumojn kaj 50 muzikvideojn. La bando publikigis 48 unuopaĵojn, el kiuj plej elstaraj estas "Blind"; "Got the Life"; "Freak on a Leash"; "Falling Away from Me"; "Here to Stay"; "Did My Time"; "Twisted Transistor"; "Coming Undone"; kaj "Get Up!"[7][8][9][10][11] Korn ricevis du premiojn Grammy el ok nomumoj[12][13] kaj du premiojn pri muzikvideoj de MTV el 11 nomumoj.[14]