germana latinlingva humanisto, matematikisto, geografo, teologo, kartografo kaj astronomo From Wikipedia, the free encyclopedia
Jakobo Ciglero (1470–1549), ankaŭ nomata Jakobus Lateranus, estis humanisto, matematikisto, geografo, teologo, kartografo, kiu havis vagantan vivon en Eŭropo, studis en la Universitatoj de Ingolstadt kaj Vieno, estis lernanto de Conrad Celtis (1459-1508), pasis kelkatempe en la kortego de Leono la 10-a antaŭ ol konvertiĝi al Protestantismo, sekve liaj geografiaj verkoj estis metitaj en la Index Librorum Prohibitorum.
Jakobus Zieglerus Landavus (1470–1549) | ||
---|---|---|
![]() Germana humanisto, teologo, matematikisto, geografo kaj astronomo. | ||
Persona informo | ||
Naskiĝo | 1470 en Landau an der Isar, Duklando Bavario, ![]() | |
Morto | aŭgusto 1549 en Passau, Duklando Bavario, ![]() | |
Religio | katolika eklezio vd | |
Lingvoj | latina • germana vd | |
Ŝtataneco | Germanio ![]() | |
Alma mater | Universitato de Ingolstadt Universitato de Vieno | |
Profesio | ||
Okupo | matematikisto teologo astronomo geografo ![]() | |
vd | Fonto: Vikidatumoj | |
Dum kelka tempo li instruis en Vieno, kiam grandaĝe li estis gasto en la domo de Wolfgang von Salm (1514-1555), episkopo de Passau. Lia portreto, farita de Wolf Huber (1485-1553) estis pentrita kiam li estis 70-jara, kaj hodiaŭ troviĝas en la Muzeo de Arthistorio en Vieno.
Li estis amiko de Adam Reusner (1496-1582) kiu estis persona sekretario de la germana kondotiero Georg von Frundsberg (1473-1528), kiun li akompanis al Italio inter 1526 kaj 1528, kulminante kun la fama epizodo de la Disrabado de Romo.
Liaj komentoj pri la dua libro de la ""Natura Historio"" de Plinio (23-79) kaŭzis grandan efikon. Dum lia staĝo kiel profesoro pri teologio en la Universitato de Vieno li eldonis la verkon Schondia pri Palestino kaj Egiptio (1532), kaj sep mapoj klarigante la Sanktajn Skribaĵojn krom enmeti mapon pri Skandinavio. Dum sia restado en Romo, li defendis la humaniston Erasmo de Roterdamo (1467-1536) kontraŭ la kritikoj faritaj de la hispana humanisto Diego López de Zúñiga ankaŭ konata kiel Jacobus Stunica (1531-1531).
Ziegler ankaŭ konatiĝis kun kelkaj skandinavaj prelatoj kiel Olav Engelbrektsson (1480-1538) kaj Johannes Magnus (1488-1544), kaj surbaze de iliaj informoj li faris priskribon pri la Stokholma sangobano. Kelkaj el liaj verkoj estis poste aneksitaj al la Scriptores historiæ germanicæ kaj en la 2-a eldono de la Chronica regnorum aquilonarium (1583) fare de Albert Krantz (1448-1517).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.