From Wikipedia, the free encyclopedia
Irakli Okruaŝvili (kartvele ირაკლი ოქრუაშვილი; naskiĝis en 1973 en Cĥinvalo) estas kartvela juristo kaj politikisto. Ekde majo 2004 ĝis novembro 2006 li estis ministro de defendo.
| Irakli Okruaŝvili | |||||
|---|---|---|---|---|---|
_(1).jpg) | |||||
| Persona informo | |||||
| ირაკლი კობას ძე ოქრუაშვილი | |||||
| Naskiĝo | 6-an de novembro 1973 (50-jaraĝa) en Cĥinvalo,  Sovetunio | ||||
| Ŝtataneco | Sovetunio Kartvelio  vd | ||||
| Alma mater | Ŝtata Universitato de Tbiliso vd | ||||
| Partio | Movado por Unuiĝinta Kartvelio vd | ||||
| Profesio | |||||
| Okupo | politikisto vd | ||||
| |||||
| vd | Fonto: Vikidatumoj | ||||
Dum sia laboro en la posteno de ministro, Okruaŝvili famiĝis kiel akra komentanto kaj subtenanto de la ideo perforte aligi al Kartvelio la fakte sendependajn Abĥazion kaj Sud-Osetion. Interalie, en 2006 li promesis „renkonti la novan jaron en Cĥinvalo“. Nelaste pro tiaj komentoj, kiuj damaĝis la imagon pri Kartvelio en la internacia nivelo, Okruaŝvili estis eksigita — tiel opinias politologoj.[1]
El Ministerio de defendo Okruaŝvili transiras al Ministerio de ekonomia evoluo, ankaŭ tie li estis ministro, sed nur dum sep tagoj, post kiuj li eksiĝis laŭ sia iniciato.
En septembro 2007 Okruaŝvili elpaŝis kun forta kritiko de la prezidento Saakaŝvili kaj de la Nacia Partio de Kartvelio. Du tagojn poste li estis akuzita pri korupteco kaj devis forlasi Kartvelion por eviti enkarcerigon. Li establiĝis en Parizo, kie li ricevis oficialan statuson de politika ekzilito la 22-an de aprilo 2008.[2] La 10-an de septembro samjare, franca juĝejo rifuzis fordoni la politikan ekziliton Irakli Okruaŝvili al Kartvelio.[3]
En 2012 li revenis en Kartvelion kaj fondis propran partion, kiu tamen ne sukcesis gajni lokojn en la parlamento. En 2022 48-jara Okruaŝvili aliĝis grupon de kartvelaj volontuloj, kiuj militas en Ukrainio[4].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
