From Wikipedia, the free encyclopedia
Inigo Jones, (15-a de julio 1573 en Smithfield (Londono); 21-a de junio 1652 en Londono) estis angla arkitekto, scenaranĝisto kaj kostumisto. Li estis la unua, kiu portis la arkitekturon de la renesanco al Britio.
Inigo Jones | |
---|---|
![]() Inigo Jones, portreto fare de Antoon van Dyck | |
Persona informo | |
Naskiĝo | 15-an de julio 1573 en Smithfield, ![]() |
Morto | 21-an de junio 1652 (78-jaraĝa) en Londono, ![]() |
Lingvoj | angla |
Ŝtataneco | Reĝlando Anglio ![]() |
Okupo | |
Okupo | arkitekto politikisto scenografo ![]() |
Verkoj | St Paul's Church, Covent Garden Queen's Chapel |
Jones estis unu el la unuaj angloj, kiuj studis arkitekturon en Italio. Li faris du vojaĝojn, la unua de 1598 ĝis 1603 kaj la dua de 1613 ĝis 1614. Dum tiuj vojaĝoj li konatiĝis kun la romia arkitekturo de Vitruvio kaj la renesanca arkitekturo. Li aparte studis la librojn de Andrea Palladio I quattro libri dell'architettura.
Inter la plej famaj konstruaĵoj de Jones estas la Queen’s House en Greenwich (1616) kaj la Banqueting House en Whitehall (1619) .
El urboplanada vidpunkto tre grava projekto estis tiu de Covent Garden (1631), kie li intencis realigi placon laŭ la modelo de la granda placo en Livorno, Italio. Tiu projekto ege influis postajn projektojn de londonaj placoj.
Jones okupiĝis ankaŭ kun sukceso en la kampo de scenaranĝado. Li desegnis scenejojn kaj kostumojn por multaj teatraĵoj de Ben Jonson.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.