From Wikipedia, the free encyclopedia
La Imperiestra salonego (germane: Kaisersaal) estas tradiciriĉa kultur- kaj kongrescentro en la urbokerno de Erfurto.
Antaŭ 500 jaroj estis surloke la Reinboth-domo kun privilegio de bierfarado. En 1714 la distristo Johann Georg Sommer el Leipzig transprenis ĝin por konstruigi dancsalonon frekventitan ĉefe de altlernejanoj. Cetere, ĉi tie estis la unua loko en Erfurto, kie oni ludis bilardon.
En 1831 la novkonstruita domo ricevis sian klasicisman fasadon. En 1871 oni aliaranĝis la salonegon kaj faris ĝin koncertejo kaj dancejo. Pro la fondo de la Germana Imperiestra Regno iĝis nomoŝanĝo al Kaisersaal. En 1960 ĝi fariĝis kulturdomo de la kontormaŝinfabriko Optima kaj memorigloko politika.
Pro sekurecaj kialoj la domo devis esti fermita en 1982; kelkajn jarojn poste komenciĝis la unuaj restaŭradoj kiuj intensiviĝis inter 1991 kaj 1994. Tiam oni ankaŭ rekonstruis multajn partojn kaj faris samtempe modernigitan kultur- kaj kongrescentron en historia ĉirkaŭaĵo. Respondecis pri la planado kaj konstruo la duseldorfaj arkitektoj Miksch & partneroj.
La inaŭguro de la restaŭrita kaj plivastigita komplekso okazis en la 15-a de majo 1994 en ĉeesto de Johannes Rau, la tiama ĉefministro de Nordrejn-Vestfalio.
Tri eventoj estas firme ligitaj al tiu ĉi loko:
Multaj artistoj gastis tie ĉi, ekzemple: Johann Wolfgang von Goethe, Friedrich von Schiller, Niccolò Paganini, Clara Schumann aŭ Franz Liszt. En la haloj estis la unua prezentado de la nova versio de la ŝilera dramo Don Karlo. Dum la Kongreso erfurta okazis surloke multaj kulturaj aranĝoj, i.a. kun aktoroj de la Comédie Française (ekz. François-Joseph Talma).
La salonego servis ankaŭ kiel dancejo de la universitato, kiel urba teatro kaj post 1918 eĉ kiel kinejo kaj scenejo por vodevilaĵoj.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
