Hipseo

Laŭ la helena mitologio, Hipseo (el la greka Ὑψεύς, «altulo») estis la unua reĝo de la lapitoj, kiu regis en la nordo de Tesalio. Li estis filo de la riverdio Peneo kaj de la najado Kreŭso, filino de Geo^[1], aŭ de Filiro, filino de Asopo^[2]. Kun Klidanopo, plia najado, aŭ kun Triko^[3] (eponimulino de la urbo Tricca kiu aperas en kelkaj versioj kiel plia filino de Peneo^[4]) li havis kvar filinojn: Kirenon^[5][6] (kiu iĝis reĝino en Libio post sia forkapto fare de Apolono^[7]), Temiston^[8], Alkeon kaj Astiagujon, edzino de Perifaso^[9].

Genealogia arbo de la lapitaj reĝoj

Okeano   Tetiso                                                                                                                                                                                       La oceanidoj   La oceanidinoj   Peneo   Kreŭso                                                                                                                                                                                                     Apolono   Stilbo         Dafno       Hipseo   Klidanopo                     Andreo                                                                                                                                                                       Kentaŭro       Lapito   Orseiso   Alkeo     Astiagujo     Pozidono     Temisto       Atamaso                                                                                                                                                                                                   La ĉevalviroj   Forbaso     Triopo   Perifaso                     Leŭkonoo   Sfincio     Skeneo   Leŭkono                                                                                                                   Amiklo   Diomedo                 Areso   Kireno   Apolono                   Evipo                                                                                                                                                                         Perimelo   Antiono   Diomedo         Ptoo   Eritrio   Orĥomeno       Eteoklo                                                                                                                                                   Aŭtonoo   Aristeo   Idmono   Koerano   Lisimaĥo   Talao   Porfiriono

Hipseo
rolulo de helena mitologio
Informoj
Sekso	vira
Patro	Peneo
Patrino	Creusa
Edzo/Edzino	Chlidanope • Tricca
Infanoj	Themisto • Kireno • Astyagaea
v • d • r

Aliaj roluloj same nomiĝintaj

Perseo ŝtonigante Fineon kaj lian akompanantaron, laŭ Luca Giordano (ĉ. 1680). Hipseo estis unu el la etiopanoj kiuj kontraŭstaris la geedziĝon de Perseo kaj Andromedo.

Krom la antaŭa, Hipseo estas ankaŭ la nomo de la jenaj roluloj de la greka mitologio:

1. Etiopa militestro kiu batalis kun Fineo kontraŭ Perseo ĉe la kortego de Cefeo ĝuste dum la geedziĝo de Andromeda kaj Perseo. Li mortigis Protoenoron, sed estis siavice mortigita fare de Linkido^[10].
2. Filo dela riverdio Asopo kaj Metopo^[11]. Li partoprenis la defendon de Tebo kontraŭ la sieĝo de la Sep^[12]. Li venkis multajn kontraŭlojn, inkludite Antifoson, Astiageson, Linon kaj Tageson, sed finfine Kapaneo mortigis lin^[13].

Eksteraj ligiloj

• angle Myth Hipseo ĉe Myth Index Arkivigite je 2013-11-28 per la retarkivo Wayback Machine

Notoj kaj referencoj

1. Pindaro. Pitiaj odoj, 9.13 kaj sekv.
2. Skolioj pri Pitiaj odoj, 9.27.a de Pindaro.
3. Pierre Grimal. Dictionnaire de la mythologie grecque et romaine.
4. Stefano de Bizanco. Trikkē, ĉe Ἐθνικά.
5. Diodoro Sicila. Historia biblioteko, 4.81.
6. Kalimako. 2-a Himno al Apolono, 85 kaj sekv.
7. Nono. Dyonisiaca, 29.180.
8. Pseŭdo-Apolodoro. Mitologia biblioteko, 1.9.2.
9. Diodoro Sicila. Historia biblioteko, 4.69.3.
10. Ovidio. Metamorfozoj, 5.98-99.
11. Apolodoro. Mitologia biblioteko, 3.12..6-7.
12. Statio. Thebaida, 7.310 kaj 723 kaj sekv.
13. Statio. Thebaida, 9.252 kaj 540 kaj sekvaj.