„Ŝalom-Aleksem estas popola humoristo kiu ridas pri siaj samgentanoj ne mokeme sed helpeme, tiel ke li estas legata en ĉiu juda domo. Perec estas moralisto kies celo estas prezenti al la mondo la veran judan karakteron, kiun multaj homoj ne povas aŭ ne volas kompreni. La lerta tradukisto prezentas la historietojn el popola juda lingvo en flua Esperanta stilo.”
„Tiu libro komenciĝis per interesplena antaŭparolo kun klarigoj pri la hebrea moderna (“jmia”) literaturo kaj pri la rolo kiun ludis en ĝi la du aŭtoroj Ŝalom Alehem kaj I. L. Perec. De la unua li tradukis 6 rakontojn kaj de la dua kvin. Li faris tion laŭ tia formo kaj stilo, ke li bone trafis sian celon, t. e., doni bonan ideon pri la ĝenerale malmulte konata hebrea verkmaniero. Ni rekomendas la legadon de la libro.”
