From Wikipedia, the free encyclopedia
Frederik (Frits) ZERNIKE (naskiĝis en Amsterdamo la 16-an de julio 1888; mortis la 10-an de marto 1966) estis fizikisto nederlanda, premiito de la Nobel-premio pri fiziko en 1953 pro sia invento de la fazokontrastmikroskopo, ilo kiu ebligas esploron de la interna strukturo de la ĉeloj sen neceso kolorigi kaj do mortigi la ĉelojn.
| Frits Zernike | |||||
|---|---|---|---|---|---|
Nobel-premiito  | |||||
 | |||||
| Persona informo | |||||
| Naskiĝo | 16-an de julio 1888 en Amsterdamo | ||||
| Morto | 10-an de marto 1966 (77-jaraĝa) en Amersforto | ||||
| Lingvoj | germana • nederlanda • angla vd | ||||
| Ŝtataneco | Reĝlando de Nederlando  vd | ||||
| Alma mater | Universitato de Amsterdamo Regna Universitato de Groningo vd | ||||
| Familio | |||||
| Gefratoj | Anne Zernike (en)  kaj Elisabeth Zernike (en) vd | ||||
| Edz(in)o | Lena Koperberg-Baanders (en) (1954–) Dora van Bommel van Vloten (en) (1930–1945) vd | ||||
| Infanoj | Frits Zernike (en) vd | ||||
| Profesio | |||||
| Okupo | fizikisto universitata instruisto inventisto matematikisto kemiisto vd | ||||
| Laborkampo | Fiziko vd | ||||
| Doktoreca konsilisto | Andreas Smits vd | ||||
| Verkado | |||||
| Verkoj | phase contrast microscopy vd | ||||
| |||||
| |||||
| vd | Fonto: Vikidatumoj | ||||
Inter aliaj kontribuoj, li laboris pri la polinomoj de Zernike, matematika tekniko uzita nun en optikaj sistemoj por neniigi la aberacion.
Frits Zernike estis la dua el ses gefiloj de Carl Frederick August Zernike kaj de Antje Dieperink, ambaŭ instruistoj pri matematiko; Frits havis la saman pasion pri fiziko kiel sia patro. Li studis kemion (kiel ĉeffakon), matematikon kaj fizikon en la universitato de Amsterdamo. En 1912, li ricevis premion pro siaj laboroj pri opalescenco de gasoj. En 1913 li iĝis helpanto de Jacobus Kapteyn en la astronomilaboratorio de la universitato de la Regna Universitato de Groningen. En 1914, li kontribuis kun Örnstein al estigo de la rilato de Örnstein-Zernike en la teorio de la kritika punkto. En 1915, li eklaboris pri teoria fiziko en la sama universitato kaj en 1920 li estis nomumita profesoro pri teoria fiziko. En 1930, esplorante la spektrajn liniojn li malkovris ke la fantomaj linioj, kiuj troviĝas je ĉiu flanko de la unua linio de la spektroj kreitaj per difraktokrado, havas fazon ortan (je 90 gradoj) kompare al la primaraj linioj.
Dum la kongreso pri fiziko kaj medicino de Wageningen en 1933 Frits Zernike priskribis unuafoje sian fazokontrastteknikon pri mikroskopo. Li plivastigis sian metodon por testi la kvaliton de konkavaj speguloj. Lia malkovro estis la bazo por la unua fazokontrastmikroskopo, konstruita dum la Dua mondmilito.
La universitata komplekso norde de la urbo Groningen estas nomita laŭ li (parko Zernike), kiel ankaŭ la luna kratero Zerniko kaj la asteroido 11779 Zernike.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
