Listartikolo en Vikipedio From Wikipedia, the free encyclopedia
Sekvas listo de la ĉiujaraj festivaloj kaj kulturaj eventoj okazantaj en Kalgario (Alberto) kaj apuda regiono:
La urbo famas pro la Kalgaria Stampedo, grandega agrikultura foiro kaj rodeo, kiu okazas ĉiun julion. La Stampedo oficiale reklamas sin kiel "La Plej Granda Surĉiela Spektaklo Surtere". Ĝi prezentas internacie rekonatan rodeokonkurson, scenejajn spektaklojn, agrikulturajn konkursojn, manĝvagonajn konkursojn, ekspoziciojn de la kulturo de la Unuaj Nacioj, kaj patkukajn matenmanĝojn ĉie en la urbo, inter aliaj allogaĵoj. Ĝi estas inter la plej grandaj kaj plej bone konataj festivaloj de Kanado kaj havas 94-jaran historion.
La Kalgarian Stampedon inaŭguris en 1912 Guy Weadick, usona artŝnuristo. Weadick volis okazigi mondrangan rodean eventon kiu allogus la plej bonajn vakerojn de la kontinento. La unua Stampedo estis la plej altpremia rodeokonkurso en Nordameriko, kun $20.000 por premioj. Ĝi allogis pli ol 100.000 spektantojn. En 1923 la Stampedo kuniĝis kun la Kalgaria Ekspozicio, kaj oni aldonis la manĝvagonajn konkursojn. En 2004 oni duobligis la monon por rodeaj premioj ĝis $1.000.000 por egaligis la Stampedon kun aliaj gravaj rodeoj kiel la Nacia Rodea Finkonkurso.
En 2005 1.242.928 homoj vizitis la 10-tagan rodeon kaj ekspozicion, nova rekordo. Kutime inter 300.000 kaj 400.000 homoj spektas la "Stampedan Paradon" (la due plej longa parado de Nordameriko), kiu okazas en la urbocentro je la malferma tago de la Stampedo. Dum la Stampeda Semajno, multaj kalgarianoj vestas sin en vakera stilo, kaj multaj entreprenoj ornamas siajn butikojn kaj oficejojn laŭ ĉi tiu sama stilo.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.