komunumo de Svislando From Wikipedia, the free encyclopedia
Bussigny-près-Lausanne (en Esperanto ankaŭ Bussigny ĉe Laŭzano) estas komunumo en la distrikto Okcidento Laŭzana en Kantono Vaŭdo, Svislando. Ĝi havis 8014 loĝantojn je la 31-a de decembro 2012.
 |
Por aliaj signifoj, bv. rigardi la apartigilan paĝon: Bussigny |
| Bussigny-près-Lausanne | |
|---|---|
 | |
| Blazono de Bussigny-près-Lausanne | |
 | |
| Protestminareto en Bussigny-près-Lausanne | |
| komunumo en Svislando • urbo en Svislando | |
| Kantono | Vaŭdo |
| Distrikto | Okcidento Laŭzana |
| Koordinatoj | 46° 33′ 4″ N 6° 33′ 13″ O (mapo) |
|
| |
| Nombro de loĝantoj | 8104 |
| Areo | 4,82 km² |
| Alteco | 415 m super marnivelo |
| Poŝtkodo | 1681 |
| Komunumkodo | 5624 |
 | |
| Situa mapo de Bussigny-près-Lausanne | |
La komunumo Bussigny-près-Lausanne situas proksimume 8 kilometrojn okcidentnordokcidente de la kantonĉefurbo Laŭzano en la valo de la rivereto Venoge en la Vaŭda Mezlando, proksimume 5 kilometrojn norde de la Lago Lemano. [1]
La teritorio de la komunumo etendiĝas sur areo de 4,82 km², de kiuj 17,0% estas kovritaj de arbaro, 33,2% servas por agrikulturo kaj 48,1% por setlado. [2]
La komunumo Bussigny-près-Lausanne limas en nordo al Vufflens-la-Ville, en nordoriento al Villars-Sainte-Croix, en oriento al Crissier, en sudo al Ecublens, en sudokcidento al Echandens, en okcidento al Bremblens, kaj en nordokcidento al Aclens.
Tra Bussigny-près-Lausanne pasas la kantona ĉefvojo n-ro 137 de Ecublens al Arclens. En nordoriento de la komunumo situas la vojnodo de la svisa aŭtovojo A1 kun la svisa aŭtovojo A9. La aŭtovojalveturejo Lausanne-Crissier situas ĉe la sudorienta komunumlimo. Krome al la komunumo kondukas konektaj ĉefvojoj al la kantona ĉefvojo n-ro 9. Pere de la stacidomo de la trajnlinio de Svisaj Federaciaj Fervojoj de Laŭzano al Ĝenevo kaj lokaj buslinioj la komunumo estas bone konektita al la publika transportreto.
La unua dokumenta mencio de Bussigny-près-Lausanne datiĝas el la jaro 1358 kiel Bussignye. En Bussigny estis trovita ora kolĉeno el la La-Tène-epoko. Dum mezepoko la Senjorujo Bussigny, kiu estis dividita al pluraj etaj feŭdoj, apartenis al la episkopo de Laŭzano. Dum la berna regado de 1536 ĝis la Helveta Revolucio la komunumo apartenis al la Voktejo Laŭzano. De 1798 ĝis la administra reformo de 2006, kiu efektiviĝis la 1-a de januaro 2008 la komunumo apartenis al la Distrikto Laŭzano, kaj ek de tiam ĝi formas parton de la Nova Distrikto Okcidento Laŭzana. Ĝis 1959 la komunumo cetere nomiĝis Bussigny-sur-Morges.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
