Bondezirojn al vi

Bondezirojn al vi aŭ Ni gratulas al vi aŭ Ĉion bonan al vi estas la esperantigita titolo kaj unua verso de tradicia usona anglalingva kanto (Happy Birthday to You), per kiu oni gratulas personon okaze de ĉi ties naskiĝtago. Tiun kanton komponis du usonaj fratinoj instruistinoj en la jaro 1893 por uzi ĝin kiel ĉiutagan bonmatenan saluton en lernejo; ĝi estis registrita en 1935 kaj pro tio almenaŭ en Usono oni ne rajtas reprodukti la kanton publike senpage; en aliaj landoj tio eblas nur ekde 1985. Kutime tiun kanton akompanas ceremonia rito malŝalti lumojn kaj enmeti en la salonon torton kun lumigitaj kandeloj, dum la kantado la omaĝito blovos super la kandeloj kaj estingos ilin.

Bondeezirojn al vi
Artisto	Patty Hill, Mildred J. Hill
Publikigo	1893
Daŭro
Ĝenro
Firmao
Antaŭa	Sekva
v • d • r

naskiĝtaga kuko, kiu ofte en festoj akompanas la kantadon

La tutan kanteton oni povas esperantigi, en formo kantebla laŭ la sama melodio, jene:

Bondezirojn al vi,

bondezirojn al vi,

en la dato naskiĝa

bondezirojn al vi.

Aŭ, depende de la nomo de la gratulata persono:

Bondezirojn al vi,

bondezirojn al vi,

bondezirojn (nomo),

bondezirojn al vi.

Bondezirojn al vi,

bondezirojn al vi,

bondezirojn (nomo),

bondezirojn al vi.

ktp.

Ankaŭ eblas:

Ĝojan naskiĝtagon,

Ĝojan naskiĝtagon,

Ĝojan naskiĝtagon (nomo),

Ĝojan naskiĝtagon.

Alia versio:

Ĉion bonan al vi!

Ĉion bonan al vi!

Ĉion bonan kara (nomo)!

Ĉion bonan al vi!

Alia traduko

En la portugala la melodio ricevis malsimilan kaj pli malsimplan tekston, verkita de Bertha Celeste Homem de Mello kaj elektita inter kvin mil proponoj per ĵurio de la Brazila Beletristika Akademio. Pro tio esperantistoj el Brazilo kaj el Portugalio tradukas ofte la suban tekston de la portugala lingvo,^[1] kiu tamen en la dua kaj kvara linio havas silabon pli ol la originalo kaj tial ne vere trafas:

Ni gratulas al vi,

En la dato feliĉa,

Vivu longe sur tero,

Kun la sorto plej riĉa.

[Originale en la portugala: Parabéns a você, nesta data querida, muita felicidade, muitos anos de vida.]

Melodio

Tonsilabe, per tradicia eŭropa solfeĝo, ĝia melodio (kun akordoj en parentezoj) estas jena:

(#: /(Do maĵ)SoSo (Do maĵ)La (Do maĵ)So (Do maĵ)do (So 7)Ti (So 7);

/(Do maĵ)SoSo (Do maĵ)La (Do maĵ)So (Do maĵ)re (Do maĵ)do (Do maĵ);

/(Do maĵ)SoSo (Do maĵ)so (Do maĵ)mi /(Do maĵ)do (Re min)Ti (Re min)La;

/(Re min)fafa (So 7)mi (So 7)do (So 7)re (Do maĵ)do (Do maĵ)).

Referencoj

1. la portugala versio Parabéns a você, kiu libere interpretas la ritmon, en

• Kategorio Bondezirojn al vi en la Vikimedia Komunejo (Multrimedaj datumoj)

Ĉi tiu artikolo ankoraŭ estas ĝermo pri muziko. Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).