komunumo de Svislando From Wikipedia, the free encyclopedia
Bettmeralp estas vilaĝo de la iama komunumo kaj ekde la 1-a de januaro 2013 komunumo en la distrikto Orienta Rarono en Kantono Valezo, Svislando. Ĝi havis 440 loĝantojn je la 31-a de decembro 2012 laŭ la ciferoj de la tiamaj malnovaj komunumoj.
Bettmeralp | |
---|---|
![]() | |
Blazono de Bettmeralp | |
Preĝejo de Betten, komunumo Bettmeralp | |
vilaĝo • carfree city • senaŭta loko | |
Kantono | Valezo |
Distrikto | Orienta Rarono |
Koordinatoj | 46° 23′ 24″ N 8° 3′ 44″ O (mapo) |
Nombro de loĝantoj | 440 |
Areo | 29,36 km² |
Alteco | 1948 m super marnivelo |
Poŝtkodo | 3991 Betten 3994 Martinsberg |
Komunumkodo | 6205 |
![]() | |
Situa mapo de Bettmeralp | |
La komunumo Bettmeralp situas en la germanlingva Supra Valezo ĉe la norda flanko de la Rodan-Valo sur la suda flanko de la Bernaj Alpoj. La komunumo konsistas el la iamaj komunumoj Betten kaj Martisberg kaj al ĝi apartenas la turisma loko Bettmeralp, kiu estis nomdona por la nova komunumo.[1]
La teritorio de la komunumo etendiĝas sur areo de 29,36 km², de kiuj 13,2% estas kovritaj de arbaro, 19,3% servas por agrikulturo kaj 1,4% por setlado. La restantaj proksimume du trionoj de la komunuma teritorio konsistas el altmontara dezerto kaj glaĉeroj.[2]
La komunumo Bettmeralp limas en nordo al Fieschertal, en nordoriento al Fiesch, en oriento al Lax, en sudo al Grengiols, en sudsudokcidento al Mörel-Filet, okcidento al Riederalp, kaj en nordokcidento al Naters.
Betten situas komplete flanke de la gravaj trafikvojoj. Al Betten kondukas nur malgranda kurboriĉa veturebla vojo de Mörel-Filet. Bettmeralp atingeblas nur pere de aertelfero kaj ankaŭ al Betten la ĉefa alvetureblo estas la aertelfero de stacidomo Betten, kiu situas en la valfundo sur la teritorio de la najbara komunumo Grengiols. De Bettmeralp tri aertelferoj kondukas al la ĉirkaŭaj montopintoj el inter kiuj Bettmerhorn. Ankaŭ la vilaĝo Martisberg situas komplete flanke de la gravaj trafikvoj kaj atingeblas nur pere de kurboriĉa flanka vojeto ek de Lax.
La hodiaŭa komunumo Bettmeralp estis kreita kun efiko de la 1-a de januaro 2014 per kunigo de la malnovaj komunumoj Betten kaj Martisberg.
La unua dokumenta mencio de Betten datiĝas el la jaro 1243 Bettan. En la jaro 1343 estis menciita komunumo de vilaĝanoj. Ĝis la Helveta Revolucio Betten formis kune kun Goppisberg kvartalon de la Dekono Orienta Rarono. En la 17-a jarcento en Betten ekzistis plumbominejo. Ek de 1930 kaj precipe per la konstruo de la aertelfero en la jaro 1950la ĉefa ekonomia enspezofonto de Betten fariĝis la turismo.[3]
La unua dokumenta mencio de Martisberg datiĝas el la jaro 1311 kiel Martisperg. Dum mezepoko Martisberg apartenis al la grafolando Mörel. En la jaro 1263 la episkopo de Siono kreis subvoktejon en Martisberg, kiu ekzistis ĝis la Helveta Revolucio de 1798, tial Maritsberg plejparte estis ekskludita de la oficoj de la Dekono Orienta Rarono. En la 19-a jarcento multaj loĝantoj elmigris al Argentino. En la 20-a jarcento la malkresko de la komunumo pludaŭris, tiel ke nuntempe malpli ol 20 personoj loĝas en Martisberg.[4]
Granda parto de la komunuma teritorio apartenas al la regiono Jungfrau-Aleĉ-Bieĉhorno (germane: Jungrau-Aletsch-Bietschhorn), kiu estis la 13-a de decembro 2001 akceptita kiel unua alpa areo kiel Monda Naturheredaĵo de UNESKO.[5]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.