From Wikipedia, the free encyclopedia
Andimeŝk, (perse اندیمشک) estas urbego, kaj ĉefurbo de la samnoma distrikto en la Provinco Ĥuzestano, en sudokcidenta Irano.
Andimeŝk · | |||
---|---|---|---|
![]() | |||
urbo de Irano urbego ![]() | |||
Administrado | |||
Lando | ![]() | ||
Provinco | Mazandarano | ||
Demografio | |||
Loĝantaro | 240 113 (2022) [+] | ||
Geografio | |||
Geografia situo | 32° 28′ N, 48° 21′ O (mapo)32.47194600710848.346700885981 [+] | ||
Alto | 176 m [+] | ||
Horzono | UTC+03:30 | ||
| |||
Alia projekto | |||
![]() | |||
Laŭ la stato de 2022 en la urbo vivis 240 113 loĝantoj.
Andimeŝk situas ĉe piedoj de Zagros-montaro 131 kilometrojn de la provinca ĉefurbo Ahvazo, 235 kilometrojn de la havenurbo Abadano (kaj proksimume de la Persa Golfo), 388 kilometrojn de Esfahano, 458 kilometrojn de la ĉefurbo Teherano .
Andimeŝk unue aperis en formo "Adamŝahr" (Krokodilurbo) en argilaj kojnotabuloj de Mezopotamio, ja tiu loko situis en rando de la praa Mezopotamio. Poste ĝi estis nomita "Andamaska" aŭ "Andimaska", kun la signifo "amaso da butero". Ĉirkaŭ antaŭ Kristo 640 la asirianoj atakis kaj detruis la plenan regionon, denova detruo okazis en la 7-a jarcento fare de araboj. En la 19-a jarcento francaj arkeologoj trovis restaĵojn el la praaj tempoj, poste angloj trovis naftojn kaj komenciĝis la nova glora epoko de la regiono. Dum la Pahlavi-dinastio estis konstruitaj la fervojo (en 1929) kun diversaj industriaĵoj, ekzemple aluminia uzino. La urbo estis deklarita urbo en 1956, iom pli frue la olea dukto estis konstruita al Teherano.
Andimeŝk estas la primara komerca centro por norda Ĥuzestano kaj unu el la ĉefproduktantoj de agrikulturaĵoj en Irano. La urbego ankaŭ havas grandan kotonan tekstilmuelilon kaj aliajn industriajn uzinojn.
25 kilometrojn norde de Andimeŝk oni konstruis digon por krei akvorezervujon en 1963. Tio helpas al la agrikulturo.
Andimeŝk estas signifa haltejo de la Trans-Irana Fervojo, kie ŝanĝiĝas varoj, materioj, produktoj. Ankaŭ ĉefŝoseo inter Teherano kaj Ahvazo trafas la urbegon.
Andimeŝk situas en duonarida klimato (BSh) laŭ Klimata klasifiko de Köppen kun ekstreme varmaj someroj kaj mildaj vintroj. La meza jara pluvokvanto estas 384 mm. Inter junio-septembro ne pluvas. La averaĝa jara temperaturo estas 24 °C, somere rekorde ofte estas pli ol 50 °C.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.