Prima che sia notte
From Wikipedia, the free encyclopedia
 Before Night Falls | ||
| Prima che sia notte | ||
Javier Bardem e Johnny Depp in na figùra dal film | ||
| Prima ch'a faga nòt 2000 | ||
|---|---|---|
| Regìa: Julian Schnabel | ||
| Scritōr: Hubert Selby Jr. • Desmond Nakano | ||
| Atōr: Javier Bardem • Olivier Martinez • Sean Penn Johnny Depp • Andrea Di Stefano • Diego Luna Michael Wincott • Hector Babenco • Alfredo Villa | ||
| Müsica: Carter Burwell | ||
| Léngua: Ingléś • Spagnōl • Rus • Francéś | ||
| Dürä dal film: 133 minüt | ||
| Nasiōṅ: Stat Unî | ||
Miranduléś|
C'l artìcul chè 'l è scrit in
Miranduléś |
«
Pascànd la libertà... artìstica, pulìtica e sesuàla.»
(Tagline dal film)
Prima che sia notte (Prima ch'a faga nòt) 'l è 'n drama biugràfic americàṅ dal 2000 ad Julian Schnabel trat da la biugrafìa dal puvéta Reinaldo Arenas vgnuda fóra dòp la sò mòrt da 'l tìtul “Antes que anochezca”.
'L è stâ preśentâ a 'l 57śum Fèstival ad Venèsia in dua 'l à vins al Lèòṅ 'd Argìnt mént'r al prutagunìsta Javier Bardem al s è purtâ a cà la Cópa Volpi p'r al mijór atōr prutagunìsta. In dū part pìculi i s véd'n anc Johnny Depp e Sean Penn.
In tut 'l à fat sù da piò 'd òt migliòṅ e mèś ad dòlar.
Sunt
Al śōvan cubàṅ Reinaldo Arenas (Javier Bardem), carsû in na famìja dimóndi pòvra, al fà védar fiṅ da pìcul 'd èsar purtâ par la pueśìa. Durànt i an dla rivulusiòṅ, a vint an, al scriv al sò prim rumànś, 'l ùnic publicâ in dal sò paéś, e pò 'n àt'r incóra ch'al vins un prèmi in Frància. Al fat ch'al lìbar al fus andâ fóra sénsa 'l parmés dal guèran, a gh pòrta di prubléma anc parchè al scritōr 'l è 'n fnòć a la luś dal sōl e là a n s pōl minga. Purtâ in parśòṅ in dal 1973, cun tut i sò lavōr letràri purtâ via, al cgnós al travestî Bon Bon (Johnny Depp). Sèt an dòp al vèṅ mandâ lìbar par lasàr Cuba amprufitànd-as dna léǵ ad Fidel Castro ch'l iva dâ a delinquènt, gay e mat al parmés ad lasàr l'ìśula par sèmpar.
Arenas al riva a New York ma in di Stat Unî la sò vita l'è dimóndi dura anc parchè 'l è in buléta sparàda, da par lò e anc malâ.
Culegamènt estéran
Wikiwand - on
Seamless Wikipedia browsing. On steroids.