C'l artìcul chè 'l è scrit in
Miranduléś |
Paul Charles Caravello, cgnusû méj cuma Eric Carr (New York, 12 ad Luj dal 1950 - New York, 24 ad Nuvémbar dal 1991) 'l è stâ 'n baterìsta americàṅ, cgnusû prinsipalmènt p'r èsar stâ òṅ di mémbar di Kiss da 'l 1980, quànd 'l iva tòlt al pòst ad Peter Criss, a 'l 1991. Al gh'iva di urìgini itagliàni esénd i suo uriginàri 'd Palèrum. Da pìcul al gh'iva la pasiòṅ dl'astrunumìa e 'l éra 'n fan di Beatles e ad Ringo Starr in particulàr.
Al sò prim disc c'n i Kiss 'l è stâ Music from "The Elder" dal 1981 in dua 'l à anc scrit dū pès, Under the Rose e Escape from the Island.
In fiṅ a 'l 1982 'l à druâ 'l truc dla vólp in ghigna anc s'a 'l inìsi 'l iva sarnî qvél dal falchét, pò scartâ parchè tròp difìcil da far. Cun Creatures of the Night dal 1982 'l à śmartlâ dimóndi cun la sò casa dópia, strumènt in alóra mai druâ da la banda.
In dla racòlta Smashes, Thrashes & Hits dal 1988 'l à dâ la sò vōś par la prima vòlta in na canta dal grup, Beth, a 'l pòst ad Criss. 'L an dòp 'l à fat àtar tant in dal disc Hot in the Shade cun Little Caesar, braṅ scrit insém a Gene Simmons e a Adam Mitchell. In soquànt cuncèrt al s éra mis anc a cantàr di àtar pès di Kiss cuma Young And Wasted e Black Diamond.
A la fiṅ dal 1990 i mèdag i gh càt'n un brut cànc'r a 'l cōr che pò al s éra ślungâ anc a i palmòṅ. Dòp di cicclo ad chèmio, quànd al parìva guarî, al mōr a 'l impruvìś par n'emuragìa a 'l sarvèl, al stés dè ad Freddie Mercury di Queen. Al sò pòst in di Kiss 'l è stâ ciapâ pò p'r Eric Singer.
Al sò amìg Bruce Kulick, chitarìsta di Kiss in alóra, p'r arcurdàr-al 'l à publicâ un sò disc in dal 1999, Rockology.
Discugrafìa
![Thumb](http://upload.wikimedia.org/wikipedia/commons/thumb/1/17/KISS_fox_face.svg/180px-KISS_fox_face.svg.png)
da par lò (disc pòstum)
- 1999 - Rockology
- 2011 - Unfinished Business
c'n i Kiss
- 1981 - Music from "The Elder"
- 1982 - Killers
- 1982 - Creatures of the Night
- 1983 - Lick it Up
- 1984 - Animalize
- 1985 - Asylum
- 1987 - Crazy Nights
- 1988 - Smashes, Thrashes & Hits
- 1989 - Hot in the Shade
- 1992 - Revenge (sōl in di braṅ Carr Jam 81 e Good Gave Rock 'N Roll To You II registrâ prima ch'al murìs)
- 2001 - The Box Set
Culegamènt estéran
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.