Al véder 'l è cal materiêl trasparèint e dûr ch'a s dróva in dimòndi lavōr, c'ma p'r al fnèstri del cà, del màchini, per fèr i bicér, el butìgli, śvarièdi lèint, soquànt vêś presiōś. Al s cumpòun 'd ósid ed silîs (SiO2).
Sièintificamèint i s ciàmen véder tùt chi materiêl ch'i gh'àn un pò 'd proprietê dal stêt lìquid e gli ètri dal stêt sòlid, dòunca n'impalcadùra molecolêr che, in dal dvintèr frèd dôp la fuśiòun, la vrèv tōr la fórma giumètrica perfèta 'd un cristâl, mo la só viscositê acsè dimòndi granda l'impedìs ai só àtom ed prilèr urdnê, armagnènd in na dispuśisiòun 'sèinsa fórma', diśurdnèda, dura, mo caraterìstica di lìquid.
Manéri 'd dìr
(EGL) Sèra chi véder lè! (IT) (lett.) Chiudi quei vetri lì!, (fig.) Chiudi quelle finestre!.
(EGL) Al véder 'l è pîn ed didèdi, (IT) Il vetro è pieno di ditate[1].
(EGL) Śbraghirèr dedrē i véder, (IT) Curiosare dietro i vetri[2].