From Wikipedia, the free encyclopedia
C'l artìcul chè 'l è scrit in
Miranduléś |
La Vanessa Chantal Paradis, cgnusùda méj cuma Vanessa Paradis (Saint-Maur-des-Fossés, 22 ad Dicémbar dal 1972), l'è na cantànta e atōra francéśa. In Itâglia la s è fata cgnósar in dal 1987 cantànd al braṅ Joe le taxi quùnd la gh'iva sōl quind'ś an.
Dvintàda granda, la Paradis l'à cuntinuâ a far di disc ma sōl i sìngui Marilyn & John e Be my baby i èṅ pò gnû fóra dal nòstri bandi.
Cuma atōra la s arcòrda par la sò interpretasiòṅ da prutagunìsta in dal film La ragazza sul ponte (La baghéta in sal pònt, 1998) ad Patrice Leconte e prima incóra in dal film Noce Blanche (Nòsi biànchi, 1989) ad Jean-Claude Brisseau, in du la fà, a darsèt an, na studetésa inamuràda dal sò prufesōr ad filuśufìa (Bruno Cremer). In dal film i gh'èṅ dimóndi parti in du a ś véd di nûd ma la Vanessa la fà bèṅ la sò part vinsénd in dal 1990 al Prèmi César e al prèmi Romy Schneider.
Dal punt ad vista sentimentàl, la Paradis la gh'à abû dal stòri cun dū cantànt, al francéś Florent Pagny e 'l americàṅ Lenny Kravitz. Da 'l 1998 l'è la cumpàgna d'l atōr dal Kentucky Johnny Depp e la gh'à sèg dū fiói: Lily-Rose Melody (nada al 27 ad Maǵ dal 1999) e Jack John Christopher Depp III (nâ al 9 'd Avrìl dal 2002). Ma dòp quatórd'ś an insém, in dua i córan i n èṅ minga mancâ, i dū i s mòlan uficialmènt in dal 2012[1].
Vanessa l'è stada anc na mudèla par la maison Chanel.