Michael Kirk Douglas, cgnusû méj cuma Michael Douglas (New Brunswick, 25 ad Setémbar dal 1944) 'l è 'n atōr e prudutōr americàṅ, vinsidōr ad dū Prèmi Òscar in dal 1976 par Qualcuno volò sul nido del cuculo, pelìcula da lò prudóta, e in dal 1988 cuma atōr prutagunìsta 'd Wall Street 'd Oliver Stone faghénd la part dal speculadōr finansiàri Gordon Gekko. In bisàca al gh'à anc quàtar Golden Globe, un Prèmi BAFTA e 'n Emmy Award par Dietro i candelabri 'd Steven Soderbergh. 'L è fiōl ad Kirk Douglas.
'L è dvintâ famóś in di an Stanta girànd al telefìlm Le strade di San Francisco e soquànti pelìculi 'd sucès a Hollywood in di an Utànta e Nuànta, da spés faghénd di rōi da stròns patintâ, cuma Attrazione fatale (1987), Wall Street, La guerra dei Roses (1989), Basic Instinct (1992), Un giorno di ordinaria follia (1993), Rivelazioni (1994) e Delitto perfetto (1998).
Dòp al divòrsi cun la Diandra Luker, ch'al gh'è custâ 45 migliòṅ ad dòlar a 'l incìrca, da 'l 2000 'l è spuśâ cun l'atōra Catherine Zeta-Jones ch'la gh'à dâ dū fiōi: Dylan Michael (2000) e Carys Zeta (2003).
Sustenidōr dal Partî Demucràtic e dal càuśi umanitàri, in dal 1998 'l è stâ numinâ Mesagēr 'd paś p'r al segretàri d'l ONUKofi Annan.
In dal 2010 i gh càt'n un cànc'r a la góla ch'al gh'è vgnû, a s pōl dar, p'r avēr lcâ tròp la figa[1], specialmènt a lò ch'in dla sò vita al gh'à abû da spés di prubléma 'd dipendénsa dal sès e 'l è stâ custrét anc a curàr-as[2].
Filmugrafìa
1966 - Combattenti della notte (Cast a Giant Shadow), regìa ad Melville Shavelson
1969 - La caduta degli dei (Hail, Hero!), regìa ad David Miller
1970 - Adam at Six A.M., regìa ad Robert Scheerer
1971 - Summertree, regìa 'd Anthony Newley
1972 - Due ragazzi e un leone (Napoleon and Samantha), regìa ad Bernard McEveety
1978 - Coma profondo (Coma), regìa ad Michael Crichton
1979 - Sindrome cinese (The China Syndrome), regìa ad James Bridges
1979 - Running - Il vincitore (Running), regìa ad Steven H. Stern
1980 - Amarti a New York (It's My Turn), regìa dla Claudia Weill
1983 - Condannato a morte per mancanza di indizi (The Star Chamber), regìa ad Peter Hyams
1984 - All'inseguimento della pietra verde (Romancing the Stone), regìa ad Robert Zemeckis
1985 - Il gioiello del Nilo (The Jewel of the Nile), regìa ad Lewis Teague
1985 - Chorus Line (A Chorus Line), regìa ad Richard Attenborough