From Wikipedia, the free encyclopedia
C'l artìcul chè 'l è scrit in
Miranduléś |
La Greta Eleonora Thunberg Ernman, cgnusùda méj cuma Greta Thunberg (Stucólma, 3 ad Śnar dal 2003, a s lèś [ˈgreːta ˈtʉːnˌbærj] in śvedéś) l'è n'ativìsta śvedéśa ambintalìsta ch'la cumbàt p'r al śvilùp sustenìbil e cónt'r al cambiamènt dal clima. L'è cgnusùda p'r al sò manifestasiòṅ tgnudi tut i dè davànti a 'l parlamènt śvedéś c'n al slogan „Skolstrejk för klimatet“ («siòpar p'r al clima»).
La Greta l'è fiōla dla cantànta lìrica Malena Ernman e d'l atōr Svante Thunberg e l'è vegàna acsè cuma la sò famìja. Da pìcula i gh'aṅ catâ la sìndrum 'd Asperger e 'l distùrub da deficit 'd atensiòṅ/iperatività.
Insém a i suo l'à scrit un lìbar par dascórar dal sò impégn par lla diféśa d'l ambînt da 'l tìtul La nòstra cà l'è drē a 'ndàr a fōg.
Al 20 'd Agóst dal 2018 la Thunberg, iscrìta a 'l nôn an dna scōla 'd Stucólma, la decìd 'd a n andàr-ag piò in fiṅ a 'l 9 ad Setémbar, dè dgl'elesiòṅ in Śvèsia, par prutestàr cónt'r al cambiamènt dal clima e i pulìtig dal sò paéś ch'i n fàvan gnint p'r arbasàr i livèi 'd anidrîd carbòniga, cuma cuncurdâ durànt la XXI Cunferénsa dal Parti dal UNFCCC a Parì dal 2015.
La ragasōla l'à cuntinuâ pò la sò prutèsta anc dòp dand vita a na réda internasiunàla di muimènt studentésc ciamàda Fridays for Future (Vernardè p'r al futûr) e tulénd part a di atri manifestasiòṅ eculugìsti cuma Rise for Climate davànti a 'l Parlamènt européo 'd Bruxelles e dascurénd a qvéla tgnuda a Lóndra da Extinction Rebellion.
Al 25 ad Śnar dal 2019 l'à fat un dascōrs dimóndi dûr a 'l Fòrum ecunòmic mundiàł ad Dàvos in Śvisra p'r arcurdàr a tut al publéma di cambiamènt climàtig e 'l sò cunseguénsi s'a n s farà gnint. Al 15 ad Mars dal 2019 la pòrta avànti un siòpar mundiàł p'r al futûr in mila-e-setsènt sità e sènt paéś in dal mónd. In Itàglia i èṅ un migliòṅ i studènt ch'i incróś'n i bras.
In Avrìl la dascór c'n al presidènt dal Parlamènt européo Antonio Tajani e cun Papa Francesco ch'al gh diś 'd andàr avànti, mént'r i giurnalìsta 'd dèstra ch'i gh dàn'n adòs[1] [2].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.