From Wikipedia, the free encyclopedia
C'l artìcul chè 'l è scrit in
Miranduléś |
L’Anna Tatišvili (Tbilisi, 3 ad Favràr dal 1990) l'è na tenìsta geurgiàna dvintàda americàna in d'l Avrìl dal 2014. In dla sò caréra l'à vins siē tìtui ITF e l'è rivàda a èsar la nùmar sinquànta dal mónd 'l 8 'd Utóbar dal 2012.
La dróa al bras dèstar e la tira 'l arvèrs a dū maṅ. La stà a Boca Raton (Flòrida). A gh piàś nudàr, védar di film e far dal còmpri.
La tenìsta geurgiàna la tasta subìt al mónd dal tènis WTA in dal 2005 a quìnd'ś an quànd a Miami i gh dànan na carta salvàdga. Lē la s fà rispetàr dand un 6-0 a l'Arantxa Parra Santonja (nùmar stanta-siē dal mónd) ma la gh pèrd listés par 3-6 6-0 2-6. 'L an dòp i gh'èṅ atri tri carti salvàdghi par lē a Indian Wells, Miami e a Charleston e lē l'è bòna ad rivàr a 'l secónd tùran in di ùltim dū. In dal 2007 la riva in di utàṿ a Cincinnati mént'r in dal 2008 la riva in semifinàl in di ITF 'd Indian Harbour Beach (2-6 0-6 da la Yanina Wickmayer) e ad Carson (6-7 2-6 da la Mashona Washington). In Śugn e Luj la s pòrta a cà i tìtui ITF 'd El Paso e ad Boston. In Agóst la pèrd a 'l prim tùran da la Sabine Lisicki a Cincinnati par 7-5 5-7 0-6 mént'r in Utóbar la s mét in bisàca 'l ITF ad Troy. La finìs 'l an da nùmar 168 dal mónd.
In dal 2009 i riśultâ i faṅ fadìga a rivàr. La bat un cōlp in Śugn a Kristienhamn in Śvèsia quànd la riva in finàl in 'n ITF da vintsìnc-mila dòlar baténd, fra gl'atri, la Mona Barthel e la Sofia Arvidsson. In Luj la s qualìfica p'r al WTA ad Pòrtrōś baténd l'Angelique Kerber par 6-3 6-2 ma pò la céd a 'l prim tùran a la Stefanie Vögele par 1-6 6-4 3-6. La s qualìfica anc a Quebec City ma anca lè la n fà minga tanta strada, farmànd-as subìt cun la Vania King par 5-7 2-6.
In dal 2010 la pasa 'l qualificasiòṅ a Monterrey pardénd pò a 'l prim tùran da l'Anastasija Pavljučenkova. La gh la cava anc a Pònt Védra Beach (rivànd anc in di utàṿ c'n un sucès cun la Magdaléna Rybáriková) e a Charleston. In Maǵ la pòrta a cà 'n ITF itagliàṅ da vintsìnc-mila dòlar śugâ in sla tèra batùda. In Luj la śōga dū turneo WTA a Praga (quàrt cun la Patty Schnyder) e a Pòrtrōś (prim tùran cun la Sara Errani). In Setémbar la pèrd da la Melanie Oudin a 'l secónd tùran a Quebec City.
L’Anna la taca bèṅ al 2011 qualificànd-as a Brisbane e Acapûlc anc s'la n è minga bòna pò ad pasàr al prim tùran. La gh la cava invéci a Miami in dua la bat l'Ol'ga Govorcova prima ad farmàr-as a 'l secónd tùran cun la María José Martínez Sánchez. A Charleston la fà incóra méj rivànd in di utàṿ dand la paga a la Jelena Dokić e a la Marija Kirilenko prima ad ciapàr-i da la Yanina Wickmayer. Cun chi punt chè muciâ sù in di turnèo americàṅ la pōl śugàr dirèt al Roland Garros e lè la fà vgnir gl'arbgàt a la padròna 'd cà, la Marion Bartoli, ch'la gh'à da dar-ag dèntar dimóndi par bat'r-la 1-6 6-2 6-1. A Wimbledon l'è incóra la Yanina Wickmayer a farmàr-la a 'l secónd tùran c'n al puntéǵ ad 3-6 6-4 6-2. La geurgiàna la s tira sù vinsénd 'l ITF da sènt-mila dòlar ad Cùneo baténd lung la via la Karin Knapp, l'Nastas'sja Jakimava, la Pauline Parmentier, la Stefanie Vögele e l'Arantxa Rus. Dòp dū prim tùr'n a Båstad e a Palèrum, cun la Polona Hercog e la Cvetana Pironkova, la Tatišvili la riva in di quàrt a Baku in dua la pèrd da la Vera Zvonarëva par 5-7 7-6 2-6. A la fiṅ d'l an, dòp un prim tùran cun l'Alberta Brianti in Lussembûrgh, la tōś part a 'l ITF ad Poitiers. Chè l'è bòna ad bàtar l'Alizé Cornet e la Nastassja Burnett prima ad cédar in di quàrt in tri sét a la rusa Regina Kulikova e finìr la stagiòṅ a 'l 87śum pòst.
In dal 2012, a 'l inìsi d'l an, la riva a 'l secónd tùran a gl'Australian Open (1-6 6-7 da la Caroline Wozniacki), a Acapûlc (3-6 1-6 da l'Irina-Camelia Begu), a Miami (5-7 1-6 da la Dominika Cibulková) e a Charleston (5-7 3-6 da la Marina Eraković). A Bùdapest la riva in semifinàl in dua però la vèṅ misa in riga par 2-6 1-6 da la Sara Errani. In Śugn a riva n'atra patnàda par lē in dal secónd tùr'n ad Wimbledon, 3-6 1-6 da la Camila Giorgi. In Luj, c'n al sucès in tri sét cun la Nastassja Burnett, la riva in finàl in d'l ITF ad Bièla ma lè la pèrd par 3-6 4-6 da la Johanna Larsson. In Istâ la fà sù di bèi riśultâ in dl'Amèrica dal Nòrd, qualificànd-as a Montreal e a Cincinnati. Chè la riva anc a 'l secónd tùran baténd par 7-6 7-5 la Klára Koukalová. A gl'US Open la s insfìlsa in di utàṿ pardénd sōl cun la nùmar òṅ dal mónd, la Viktoryja Azaranka. C'n i quàrt a Quebec City (2-6 0-3 bandòṅ cun la Kirsten Flipkens) la fà sù i punt ch'i gh parmét'n ad rivàr pò in Utóbar a 'l sò best ranking al sèmpar, al nùmar sinquànta.
A cal punt lè, invéci 'd andàr avànti incóra da piò, la Tatišvili la s férma. La n s qualìfica mai in di turnèo in dua a gh'iva da far-al (Sydney, Parì a 'l quèrt, Madrid e Róma) e pò la pèrd sèmpar subìt a 'l prim tùran a Brisbane (2-6 6-4 2-6 da l'Angelique Kerber), a Melbourne (3-6 3-6 da l'Ayumi Morita), a Doha (2-6 2-6 da la Sloane Stephens), a Miami (0-6 0-1 bandòṅ da la Kiki Bertens), a Charleston (0-6 0-6 da la Sabine Lisicki in sla tèra batùda!) e a Oeiras (1-6 5-7 da la Yanina Wickmayer). A Straśbûrg la tórna a vìnsar dū incóntar cun la Caroline Garcia e la Monica Niculescu par pò cédar in di quàrt a l'Eugenie Bouchard. La tórna a far prim tùr'n anc a 'l Roland Garros (0-6 1-6 da la Serena Williams), Birmingham (6-2 3-6 6-7 da la Francesca Schiavone), Wimbledon (1-6 6-1 3-6 da la Petra Martić). In Luj la bat la śōvna Belinda Bencic, carta salvàdga, a Båstad prima ad lasàr strada a la Serena Williams. Da lè in avànti la tórna a muciàr sù siē prim tùr'n ad fila tacànd cun la Nastassja Burnett a Baku. La finìs 'l an śugànd sèt turnèo ITF ad fila, vinsénd-an tri e rivànd p'r atri dū vòlti in finàl. In cla manéra chè la clasìfica la s giùsta 'n puchèṅ.
In dal 2014 l’Anna la tórna a vìns'r in dal sircùit ITF a Daytona Beach, p'r al rèst la s qualìfica sōl na vòlta (a Melbourne) su sìnc turnèo WTA śugâ. L'ùltma a dar-ag 'n daspiaśēr l'è la Kimiko Date-Krumm a Miami 4-6 6-2 6-7.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.