UniRed je wjelerěcny unicodowy tekstowy editor za Windows 9x, NT, 2000 a XP a jo w programěrowańskej rěcy Delphi programěrowany.
UniRed | |
---|---|
aktualna wersija: | 2.05 (20. apryla 2006) |
źěłański system: | Windows 9x, NT, 2000 a XP |
Rěcy: | Engelšćina, rusojšćina (dalšnych 21 rěcow) |
kategorija: | |
licenca: | http://www.gnu.org/copyleft/gpl.html |
dolnoserbski: | Jo[1] |
webowe sedło: | Programowy bok w nimšćinje |
UniRed pódpěra slědujuce znamješkowe sajźby[2]:
- 16-bitowy Unicode (big endian a little endian);
- UTF-8;
- systemowe znamješkowe sajźby wót Windows;
- systemowe znamješkowe sajźby wót DOS (OEM);
- Latin-1, Latin-2, Latin-3 atd;
- cyriliske znamješkowe sajźby: cp866, windows-1251, koi8-r;
Program pódpěra rozdźělne programěrowańske rěcy, kaž na pś. C/C++, Delphi, Java. Ale pódpěra teke HTML.
Aby wobźěłanje datajow wólažcył, UniRed móžo tekst pó syntaksy zabarwiś.
Móžo tekst z pomocu regularnych wurazow narownaś a z pšawopisnym programom ISpell gromaźe źěłaś.
Standardnej rěcy za programowy pówjerch editora stej engelšćina a rusojšćina (mamina rěc programowego awtora). Za dalšnych 21 rěcow su rěcne pakśiki, kótatrež daju se pózdźej instalěrowaś. Za UniRed njejo oficielny dolnoserbski rěcny pakśik wopśimjony, ale jo njeoficielny rěcny pakśik - glědaj nožku 1.
Mimo togo eksistuju rěcne pakśiki za ukrainšćinu, běłorušćinu, esperanto, češćinu, walizišćinu, dańšćinu, nimšćinu, špańšćinu, francojšćinu, galicišćinu, italšćinu, litawšćinu, madagaskaršćinu, pólšćinu, portugišćinu za Portugalsku a Brazilsku, słowakšćinu, šwedšćinu, tataršćinu a grichišćinu.
Z wuwześim górnoserbšćiny, madagaskaršćiny a walizišćiny su za wše rěcy teke pšawopisne pakśiki.
Programowy awtor jo južo pśed někotarymi lětami wozjawił, až wón UniRed dalej njewuwijo.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.