From Wikipedia, the free encyclopedia
Pódzajtšna tuja (Platycladus orientalis) jo bom ze swójźby cypresowych rostlinow (Cupressaceae). Wón jo jadnučka družyna roda Platycladus.
Pódzajtšna tuja (Platycladus orientalis) | |
systematika | |
---|---|
Domena | Eukaryoty |
Swět | Rostlinstwo |
klasa: | (Coniferopsida) |
pórěd: | (Coniferales) |
swójźba: | Cypresowe rostliny (Cupressaceae) |
pódswójźba: | Cupressoideae |
rod: | Dušan[1][2] (Platycladus) |
družyna: | Pódzajtšna tuja |
wědomnostne mě za rod | |
Platycladus | |
Spach | |
wědomnostne mě za družynu | |
Platycladus orientalis | |
(L.) Franco | |
Synonymy su Biota orientalis, Thuja orientalis, Platycladus stricta, Thuja chengii, a Thuja orientalis var. argyi.
Pódzajtšna tuja jo pśecej zeleny bom, kótaryž dośěgnjo wusokosć wót až do 30 m. Rostlina jo jadnodomna.
Krona jo wuska a kjagelojta. Jich gałuzy su nagle górje měrjone, fryšnje zelene až žołtozelene.
Spjerchlinowe łopjena gałuzam wusko pśilěgaju a se jasnje pśekšywaju. Wóni dośěgnu dłujkosć wót až do 7 mm. Pśi rozšurowanju słabje sadojśe wónjaju.
Kwiśo wót měrca až do apryla. Muske kwiśonki su swětłožołte a stoje mnogolicbnje na gałuzowych kóńcykach. Žeńske kwiśonkowe stołki su njenadglědnje zelenojte.
Šyški dośěgnu dłujkosć wót 1,5 cm. Wóni su na zachopjeńku namódry zelene, w zdrjałosći śamnobrune. 6 šyškowych spjerchlinow njaso rožkojty, slědk zakśiwjony pśiwisk.
Rostlina jo domacna w Chinskej.
Bom se w Europje we wšakich, teke małorostnych warjetetach sajźa.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.