Titwod

Adar bach sy'n bwyta pryfed, cnau a hadau yw titwod. Maen nhw'n byw yn Ewrop, Asia, Affrica a Gogledd America.^[1] Adar y coetir yw titwod ond maen nhw wedi addasu i barciau a gerddi. Maen nhw'n dodwy hyd at 12 ŵy mewn twll mewn coeden.^[1]

Titwod
Titw Tomos Las (Cyanistes caeruleus)
Dosbarthiad gwyddonol
Teyrnas:	Animalia
Ffylwm:	Chordata
Dosbarth:	Aves
Urdd:	Passeriformes
Teulu:	Paridae Vigors, 1825
Genera
Poecile Periparus Lophophanes Baeolophus Parus Pseudopodoces Cyanistes Sylviparus Melanochlora

Mae'r gwir ditwod yn perthyn i deulu'r Paridae. Mae tua 59 o rywogaethau, yn cynnwys y Titw Tomos Las, Titw Mawr, Titw Penddu, Titw Copog, Titw'r Helyg a Thitw'r Wern.^[2] Mae dau deulu arall o ditwod, yr Aegithalidae (megis y Titw Cynffon-hir) a'r Remizidae (megis y Titw Pendil).

Mae'r Titw Barfog yn debyg i'r gwir ditwod ond dydy e ddim yn perthyn yn agos iddyn nhw.

Cyfeiriadau

1. Perrins, Christopher, gol. (2004) The New Encyclopedia of Birds, Oxford University Press, Rhydychen.
2.  Gill, F. & D. Donsker (goln.) (2012). IOC World Bird List, Version 3.1: Waxwings to swallows. Adalwyd ar 29 Gorffennaf 2012.

Eginyn erthygl sydd uchod am aderyn. Gallwch helpu Wicipedia drwy ychwanegu ato.