Semen

Hylif organig yw semen, sy'n cynnwys sberm fel arfer. Fe'i secretir gan organau atgenhedlu anifeiliaid gwrywaidd neu ddeurywiol, er mwyn ffrwythloni wygelloedd benywaidd. Alldafliad yw'r enw ar yr hyn sy'n digwydd wrth i semen adael y corff.

Semen

Enghraifft o:	hylifau corfforol, dosbarth o endidau anatomegol
Math	secretiad, endid anatomegol arbennig
Gwneuthurwr	Prostad
Cynnyrch	anifail, mamal
Ffeiliau perthnasol ar Gomin Wicimedia

Cyfansoddiad semen dynol

Mae semen yn cynnwys sberm (sy'n dod o'r ceilliau) a phlasma semenaidd (a gynhyrchir yn y fesiglau semenaidd, y chwarren brostad, a chwarrennau Cowper.

Dyma cyfansoddiad a tharddiad semen:

Chwarren	% brasgywir	Disgrifiad
Ceilliau	2-5%[1]	Rhyddheir oddeutu 200- i 500-miliwn cell sberm ymhob alldafliad.
Fesigl Semenaidd	65-75%	asidau amino, sitrad, ensymau, flafinau, ffrwctos (prif ffynhonnell ynni'r celloedd sberm), ffosfforylcholin, prostaglandinau (sy'n atal adwaith imiwnol yn y corff benywaidd), proteinau, fitamin C
Chwarren brostad	25-30%	ffosffatas asidig, sitrad, ffibrinolysin, antigen prostad-benodol, ensym proteolytig, zinc
Chwarren Cowper	< 1%	galactos, mwcws (hyrwyddo mudiant y celloedd sberm yn y wain a cheg y groth. Cyfrannu at wead jelïaidd semen.), cyn-alldafliad, asid sialig

Disgrifiodd adroddiad Mudiad Iechyd y Byd semen dynol normal, fel yr hyn sydd â chyfaint o 2 ml neu fwy, pH o 7.2 i 8.0, crynodiad sberm o 20x10⁶ cell sberm/ml neu'n uwch, 40x10⁶ cell sberm neu fwy ymhob alldafliad, symudiad am ymlaen gyda 50% or celloedd sberm, a symudiad chwim gan 25% ohonynt.^[2] Achos bod semen yn alcalïaidd (gwrthasid), gall rhyw geneuol helpu yn erbyn diffyg traul.