From Wikipedia, the free encyclopedia
Athronydd, awdur a chenedlaetholwr o Galisia oedd Ramón Piñeiro (31 Mai 1915 - 27 Awst 1990). Fe'i ganwyd yn Armea de Abaixo, Lama, Láncara, Galisia ac roedd yn flaenllaw yn yr ymdrech i hyrwyddo diwylliant Galicia wedi Rhyfel Cartref Sbaen. Fe'i carcharwyd rhwng 1946 a 1949 ac fe'i hystyrir yn un o ffigurau pwysicaf Galisia yn yr 20g. Sefydlodd y cylchgonau Galisieg Galaxia a Grail a bu'n flaenllaw yn yr ymgyrch i safoni'r Galisieg.[1]
Roedd yn aelod o'r blaid Galeguista a bu'n un o ddirprwyon annibynnol Senedd Galicia.
Ef oedd trydydd mab Fernandez Lopez a Salvador Pineiro Garcia. Yn 6 oed aeth i'r ysgol leol lle cafodd fraw o glywed popeth drwy gyfrwng y Sbaeneg am y tro cyntaf yn ei fywyd, a'i iaith frodorol, y Galiseg, yn cael ei dilorni a'i bychanu gan awdurdodau'r ysgol. Effeithiwodd hyn arno am weddill ei oes.[2]
Yn yr ysgol uwchradd ymunodd â'r Blaid Galeguista a chymerodd ran ym mhwyllgor y rhanbarth a'i waith dros Refferendwm Annibyniaeth Galisia, 1936. Wedi Rhyfel Cartref Sbaen (pan ymunodd â'r gwrthryfelwyr), astudiodd Athroniaeth yn Santiago de Compostela.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
