Peredur Lynch

Awdur Cymraeg ac athro ym Mhrifysgol Bangor ydy Peredur Lynch (ganwyd 1963). Mae'n frodor o Garrog, Sir Feirionnydd.^[1] Yn 1979 cipiodd gadair Eisteddfod yr Urdd ym Maesteg gydag awdl – y bardd ieuengaf i wneud hynny erioed, ag yntau'n ddim ond 16 mlwydd oed. Graddiodd yn y Gymraeg ym Mhrifysgol Bangor cyn dod yn Gymrawd Ymchwil yn y Ganolfan Uwchefrydiau Cymreig a Cheltaidd yn Aberystwyth rhwng 1985 a 1990. Ar ôl hynny, bu'n ddarlithydd yn Adran y Gymraeg ym Mhrifysgol Abertawe.^[2] Ym 1995, dychwelodd i Brifysgol Bangor a chafodd ei ddyrchafu'n Athro'r Adran yn 2005. Ef hefyd oedd Pennaeth Adran y Gymraeg rhwng 2003 a 2006.

Peredur Lynch
Ganwyd	13 Ionawr 1963  Cymru
Dinasyddiaeth	Cymru
Alma mater	Prifysgol Bangor
Galwedigaeth	llenor, athro cadeiriol
Gwobr/au	Cymrawd Cymdeithas Ddysgedig Cymru, arweinydd milwrol

Mae'n arbenigwr ar waith Beirdd y Tywysogion.

Llyfrau

• Caeth a Rhydd, cyfrol o’i gerddi, cyhoeddwyd gan Gwasg Carreg Gwalch (2017)
• Cywion Nell, cyfieithiad o waith Robert Barnard, cyhoeddwyd gan Gwasg Taf, ISBN 9780948469718 (Ebrill 2001)
• Un o olygyddion The Welsh Academy Encyclopaedia of Wales, (31 Ionawr 2008)
• Un o olygyddion Gwyddoniadur Cymru yr Academi Gymreig, (31 Ionawr 2008)^[3]

Dolenni allanol

• Cyfweliad adnabod awdur – Llais Llên BBC

Ffynonellau

1. Yr Athro Peredur I. Lynch BA PhD^{[dolen farw]}
2. Yr Athro Peredur I. Lynch BA PhD^{[dolen farw]} Gwefan Prifysgol Bangor. Adalwyd ar 16-10-2010
3. "Ynglŷn â'r golygyddion". Archifwyd o'r gwreiddiol ar 2008-08-20. Cyrchwyd 2008-05-21.

Eginyn erthygl sydd uchod am Gymro neu Gymraes. Gallwch helpu Wicipedia drwy ychwanegu ato.