From Wikipedia, the free encyclopedia
Stadiwm chwaraeon yng Nghaerdydd yw Parc yr Arfau (Saesneg: Cardiff Arms Park).
Ar un adeg roedd y safle yn gae corsiog oedd yn eiddo i Ardalydd Bute. Dywedodd yr Ardalydd mai dim ond ar gyfer chwaraeon yr oedd i'w ddefnyddio, ac erbyn y 1880au roedd maes rygbi a maes criced yno. Dros y blynyddoedd, bu'r safle yn gartref i lawer o chwaraeon eraill hefyd.
Yma yr oedd cartref Clwb Criced Sirol Morgannwg hyd 1966. Dechreuodd adeiladu stadiwm cenedlaethol newydd ar y safle yn 1967, ar gost o £9 miliwn. Roedd yn dal 56,000 o bobl. At y stadiwm yma y cyfeirir pan yn sôn am "Barc yr Arfau" fel rheol. Yma yr oedd Tîm rygbi'r undeb cenedlaethol Cymru yn chwarae ei gemau cartref, a Chlwb Rygbi Caerdydd yn parhau i ddefnyddio'r hen faes rygbi, Maes Rygbi Caerdydd.
Yn 1999, agorwyd Stadiwm y Mileniwm ar y safle, a dymchwelwyd yr hen stadiwm cenedlaethol. Daeth hwn yn gartref newydd y tîm rygbi cenedlaethol. Ar hyn o bryd mae tîm rygbi rhanbarthol Gleision Caerdydd yn parhau i ddefnyddio Maes Rygbi Caerdydd, ond cyhoeddwyd yn 2007 y byddent yn symud i stadiwm newydd yn 2009.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
