Nantglyn

Pentref bychan a chymuned yn Sir Ddinbych, Cymru, yw Nantglyn ( ynganiad ). Saif rhyw 4.5 milltir o dref Dinbych ac ychydig i'r gorllewin o Fynydd Hiraethog. Ychydig llai na milltir i'r gogledd-orllewin mae Waen, Nantglyn.

Nantglyn

Math	cymuned, pentref
Poblogaeth	323, 291
Daearyddiaeth
Sir	Sir Ddinbych
Gwlad	Cymru
Arwynebedd	3,328.48 ha
Cyfesurynnau	53.1474°N 3.49°W
Cod SYG	W04000170
Cod OS	SJ003621
Gwleidyddiaeth
AS/au Cymru	Darren Millar (Ceidwadwyr)
AS/au y DU	David Jones (Ceidwadwr)
Ffeiliau perthnasol ar Comin

Saif Nantglyn ar Afon Ystrad, sy'n llifo i mewn i Afon Clwyd. Mae afon lai, Afon Lliwen, yn ymuno a'r Ystrad ger y pentref. Mae traddodiad fod clas wedi ei sefydlu yma gan Mordeyrn, ŵyr i Gunedda Wledig. Ymhlith hynodion y pentref mae'r "pulpud mewn coeden", a ddefnyddiwyd unwaith gan John Wesley yn ôl y traddodiad. Caeodd yr ysgol yn y 1990au ac erbyn hyn nid oes siop yn y pentref.

Cynrychiolir yr ardal hon yn Senedd Cymru gan Darren Millar (Ceidwadwyr) ac yn Senedd y DU (San Steffan) gan David Jones (Ceidwadwr).^[1][2]

Enwogion

• David Samwell, oedd yn feddyg ar long Capten Cook ar ei fordaith olaf
• Twm o'r Nant, yr anterliwtwr, a aned yn Llanefydd ond a fagwyd yn Nantglyn
• William Owen Pughe, y geiriadurwr (nad oedd yn enedigol o'r pentref, ond a dreuliodd lawer o'i oes yno)
• Aneurin Owen, mab William Owen Pughe
• Robert Davies (Bardd Nantglyn)
• Tom Pryce, gyrwr rasio Fformiwla Un, a dreuliodd ei ieuengctid yn y pentref

Cyfrifiad 2011

Yng nghyfrifiad 2011 roedd y sefyllfa fel a ganlyn:^[3][4][5]

Cyfrifiad 2011
Poblogaeth cymuned Nantglyn (pob oed) (323)			100%
Y nifer dros 3 oed sy'n siarad Cymraeg (Nantglyn) (130)			41.7%
:Y ganran drwy Gymru			19%
Y nifer sydd wedi'u geni yng Nghymru (Nantglyn) (185)			57.3%
:Y ganran drwy Gymru			73%
Y nifer dros 16 sydd mewn gwaith (Nantglyn) (19)			14.4%
:Y ganran drwy Gymru			67.1%