From Wikipedia, the free encyclopedia
Teml yn Athen a ystyrir yr enghraifft orau sydd wedi goroesi o deml arddull Dorig hexastyle yw'r Hephaisteion neu Teml Hephaistos (Hephaestus), a elwir hefyd yn Theseion weithiau. Credir iddi gael ei chodi yn y flwyddyn 449 CC. Mae'n gorwedd ger yr hen agora ger bryn yr Areopagus, tua 500 medr o'r Acropolis yng nghanol Athen, prifddinas Gwlad Groeg.
Ers yr Oesoedd Canol tybiwyd mai hon oedd y deml y rhoddwyd esgyrn yr arwr Theseus i orffwys ynddi, ond gwyddys mai teml a gysegrwyd i'r duw Groegaidd Hephaistos (Hephaestus) ydyw. Mae cloddio gan archaeolegwyr yn dangos iddi gael ei chodi yng nghanol ardal o weithdai haearn a ffwrnesi, sy'n addas i Hephaistos fel duw y cyfryw waith. Cafodd ei throi'n eglwys yn y 7g ond bellach mae'n heneb yng ngofal y wladwriaeth ac yn un o brif atyniadau twristaidd Athen.
Ceir 34 colofn Ddorig o gwmpas corff yr adeilad. Ceir cerfluniau yn dangos Llafur Herakles ac eraill ar amryw bynciau, yn cynnwys hanes Theseus.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.