From Wikipedia, the free encyclopedia
Microgyfrifiadur wedi'i gyfuno â ffôn symudol sy'n fwy pwerus na'r ffôn symudol arferol yw'r ffôn clyfar (Saesneg: smartphone). Mae ganddo elfennau o'r cyfrifiadur yn ei grombil, gan gynnwys meddalwedd system weithredu. Mae hefyd yn medru derbyn ac anfon e-byst, yn galluogi'r defnyddiwr i gysylltu gyda'r rhyngrwyd, defnyddio meddalwedd sydd ar gael o siopau rhithwir, a chamera a system gwmpawd GPS. Erbyn Rhagfyr 2011 roedd gostyngiadau mewn prisiau yn golygu bod ffonau clyfar wedi dod yn llawer mwy poblogaidd.[1]
Y math mwyaf poblogaidd o fatri a ddefnyddiwyd yn 2014 (a chyn hynny) yn y ffonau oedd y batri lithiwm-ion.
Erbyn haf 2012 roedd dros un biliwn o bobl yn defnyddio ffôn clyfar. Roedd 2013 yn garreg filltir bwysig gan i fwy o ffonau clyfar gael eu gwerthu na'r ffonau symudol arferol. Erbyn 2019 roedd bron pob ffôn a gynhyrchwyd yn ffôn clyfar, ac felly, yn araf, cyfeiriwyd at y ffonau hyn heb y gair 'clyfar', gan ei gymryd yn ganiataol.[2][3]
Cyflwynwyd nifer o systemau bancio ar-lein (e.e. Paypal) mor gynnar a'r 200au a gellid defnyddio rhain ar y ffôn, ond nid oedd yn bosib gwneud taliadau tan oddeutu 2016, gyda'r cwsmer yn mewnbynnu ei rif cyfrin (4 digid) sef ei rif PIN. Yn 2016, cyflwynwyd system a oedd yn galluogi'r defnyddiwr i dalu am nwyddau gyda'i ffôn mewn siopau; system ddi-gyswllt drwy dechnoleg NFC[4] neu neges ddiogel SMS[5].
Erbyn y 2010au, gan fod bron pob gwasanaeth bancio'nbosib ar ffôn, gwelwyd llawer o ganghennau banciau'n cau; caeewyd bron pob banc yn Ne Affrica a'r Philipinau.[6] Diflannod llawer o fanciau hefyd yng Nghymru, ond agorwyd rhagor o beiriannau arian mewn llefydd fel archfarchnadoedd.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
