Eiry Palfrey

Actores, awdur, cynhyrchydd ac astrolegydd o Gymru yw Eiry Palfrey (ganwyd Tachwedd 1939).

Eiry Palfrey
Ganwyd	Eiry Lloyd Palfrey  Tachwedd 1939  Llanfihangel y Creuddyn
Man preswyl	Llanfyllin, Caerdydd
Dinasyddiaeth	Cymru
Galwedigaeth	actor
Cyflogwr	HTV
Adnabyddus am	Prifysgol Aberystwyth
Plant	Lisa Palfrey, Daf Palfrey

Bywgraffiad

Ganed Eiry Palfrey yn Llanfihangel y Creuddyn ger Aberystwyth. Cafodd ei magu a'i haddysgu yn Llanfyllin, Sir Drefaldwyn ac fe astudiodd Cymraeg ym Mhrifysgol Cymru Aberystwyth. Mae'n byw yng Nghaerdydd.^[1][2]. Mae'n fam i'r actores Lisa Palfrey a'r cyfarwyddwr Dafydd Palfrey.^[3]

Gyrfa

Ar ôl gadael y brifysgol fe aeth i ddysgu am ychydig cyn cael swydd gyda HTV Cymru yn 1974 fel cyflwynydd a darllenydd newyddion. Fe wnaeth hynny tan tua 1982.^[4] Yn 1985 fe ddatblygodd HTV Cymru yr opera sebon Dinas ar gyfer S4C a chafodd Eiry ran yn chwarae'r cymeriad Helen Ambrose. Bu'n gweithio gyda chwmni Teliesyn rhwng 1990 a 2001 fel cynhyrchydd, cyn gadael i ffurfio cwmni cynhyrchu Tracrecord.^[5]

Mae'n ymddiddori mewn dawnsio gwerin a bu'n gadeirydd Cymdeithas Dawns Werin Cymru. g Ysgrifennodd y ddrama ddogfen Poncho Mamgu a ddangoswyd ar S4C yn 2008. Roedd y rhaglen yn adrodd hanes Nel Davies a ymfudodd i'r Wladfa ym Mhatagonia ym 1875. Cyfarwyddwyd y rhaglen gan ei mab Dafydd, ei merch Sian Elin oedd tu ôl i'r camera a roedd ei merch arall, Lisa yn chwarae rhan Nel.

Llyfryddiaeth[2]

• Arwyr Gwerin Cymru i Ddysgwyr (Dref Wen)
• Un Tro – Chwedlau Cymru, Cernyw ac Iwerddon i Blant (J.D. Lewis, 1979)
• Cyfres Slici a Slac (Hughes a’i Fab)
• Chwedlau Cymru i Ddysgwyr (Gwasg y Dref Wen, 1982)
• Melangell (Gomer, 2005)
• Hiding Hopcyn (Pont, 2006)
• Llyfr Penblwydd (Gwasg Gomer, 2008)