Betty Ford

Gwraig cyn-Arlywydd yr Unol Daleithiau Gerald Ford oedd Elizabeth Ann Bloomer Warren Ford, a oedd yn fwy adnabyddus fel Betty Ford (8 Ebrill 1918 – 8 Gorffennaf 2011^[1][2]). Bu'n Brif Foneddiges yr Unol Daleithiau o 1974 tan 1977. Tra'r oedd yn Brif Foneddiges, bu'n weithgar o safbwynt polisi cymdeithasol a bu'n weithgar fel gwraig arlywyddol.

Betty Ford
Ganwyd	Elizabeth Anne Bloomer Ford  8 Ebrill 1918  Chicago
Bu farw	8 Gorffennaf 2011  Rancho Mirage
Man preswyl	Gerald R. Ford, Jr., House
Dinasyddiaeth	Unol Daleithiau America
Alma mater	Prifysgol Bennington Innovation Central High School
Galwedigaeth	dawnsiwr, llenor, hunangofiannydd, model, ymgyrchydd dros hawliau merched, gwleidydd
Swydd	Prif Foneddiges yr Unol Daleithiau, Is-Brif Foneddiges yr Unol Daleithiau
Plaid Wleidyddol	plaid Weriniaethol
Priod	Gerald Ford, William Warren
Plant	Michael Gerald Ford, John Gardner Ford, Steven Ford, Susan Ford
Gwobr/au	'Hall of Fame' Cendlaethol Menywod, Oriel yr Anfarwolion Menywod Michigan, Gwobr Lasker-Bloomberg gwasanaeth cyhoeddus, Medal Aur y Gyngres, Medal Rhyddid yr Arlywydd
llofnod

Bu'n boblogaidd iawn er gwaethaf ei safiad rhyddfrydol ar faterion cymdeithasol. Ymgyrchodd dros nifer o faterion sensitif y dydd gan gynnwys cancr y fron yn dilyn ei mastectomi yn 1974, hawliau merched, ffeministiaeth, erthyliad, cyffuriau, cyflog cyfartal a thrwy wneud sylwadau ar faterion y dydd - rhywbeth nad oedd unrhyw Brif Foneddiges wedi'i wneud cyn hynny. Cyhoeddodd yn y 1970 iddi frwydro'n galed yn erbyn alcoholiaeth a chyffuriau.