Betsan Powys

Newyddiadurwraig Cymreig yw Betsan Powys (ganwyd Awst 1965),^[1] sydd yn olygydd BBC Radio Cymru ar hyn o bryd.

Betsan Powys
Ganwyd	Awst 1965  Caerdydd
Dinasyddiaeth	Cymru
Alma mater	Ysgol Tryfan Ysgol Llanhari
Galwedigaeth	newyddiadurwr, blogiwr

Bywyd cynnar

Ganwyd yng Nghaerdydd ond symudodd y teulu i Fangor pan ddaeth ei thad, y gweinidog a darlledwr R. Alun Evans, yn bennaeth y BBC yno.^[2] Graddiodd mewn Almaeneg a Drama o Brifysgol Aberystwyth cyn gwneud MLitt yng Ngholeg yr Iesu, Rhydychen.

Gyrfa

Ymunodd Powys â BBC Cymru fel newyddiadurwraig hyfforddedig ym 1989, cyn ymuno â'r ystafell newyddion yng Nghaerdydd fel gohebydd dwy-ieithog aml-gyfryngau. Symudodd i adrodd materion cyfoes ym 1994, gan adrodd fel gohebydd cudd.^[3]

Dechreuodd Powys gyflwyno ar raglen Newyddion Cymraeg S4C, fel y prif ohebydd materion cyfoes Ewrop yn y gyfres Ewropa, ac ymunodd â Huw Edwards i gyflwyno rhaglenni arbennig yr etholiadau yn y Deyrnas Unedig. Daeth nôl o Lundain i Gaerdydd i weithio i BBC Cymru a magu ei phlant yn Gymraeg cyn ei phenodi'n Olygydd Gwleidyddol BBC Cymru yn 2006.^[2]

Ar 1 Gorffennaf 2013, cychwynnodd Betsan ar ei swydd newydd fel Golygydd BBC Radio Cymru. Ar 12 Mehefin 2018 cyhoeddwyd y byddai'n gadael y gorfforaeth yn Hydref 2018.^[4] Penodwyd ei olynydd, Rhuanedd Richards, y mis wedyn.^[5]

Cychwynnodd fel cyflwynydd newydd Pawb a'i Farn ar 15 Gorffennaf 2020.