Aelrhiw

Sant o'r 6g a gysylltir gyda phentref y Rhiw yn Llŷn yw Aelrhiw, ond mae'n fwy na phosib nad oedd person o'r enw yma'n bodoli, ac mai camsillafiad ydyw. Yn ôl Rice Rees, yn Bonedd y Saint (tt.306, 332) cysegrwyd Eglwys y Rhiw yn wreiddiol i'r 'Ddelw Fyw', ac mae'n bosib mai talfyriad llafar o'r enw yma yw enw'r sant. Mae dydd gŵyl y sant ar 9 Medi.^[1]

Aelrhiw
Ganwyd	6 g  Y Rhiw
Dinasyddiaeth	Cymru
Galwedigaeth	offeiriad
Dydd gŵyl	9 Medi

Mae hefyd yn bosib mai tarddiad y gair yw enw sant arall y sonir amdano yn y Bonedd, sef Aelryo (gweler §24(E) yn EWGT t.58) a drawsysgrifwyd o Maelrys ap Gwyddno. (A.W.Wade-Evans yn Arch.Camb. 86 (1931) t.165, PW 87).

Ffynnon Aelrhiw ym mhentref y Rhiw.

Gweler hefyd

• Rhestr o seintiau Cymru
• Erthygl Aelrhiw yng Ngeiriadur Bywgraffyddol o Enwogion Cymru 1867-Cyf I ar Wicidestun

Cyfeiriadau

1. A Welsh Classical Dictionary: People in History and Legend up to about A.D. 1000, ar wefan Llyfrgell Genedlaethol Cymru; adalwyd 9 Medi 2017.