![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/23/Brussels_sprout_closeup.jpg/640px-Brussels_sprout_closeup.jpg&w=640&q=50)
Ysgewyll
From Wikipedia, the free encyclopedia
Mae ysgewyll, neu ysgewyll Brwsel (Brassica oleracea Grwp: Gemmifera) o deulu'r Brassicaceae (gair Lladin o'r un tarddiad â'r gair Cymraeg 'bresych') yn cael ei dyfu am ei egin gwyrdd (2.5 – 4 cm o ddiametr), sef clwstwr o ddail gwyrdd, sy'n flasus iawn mewn pryd o fwyd megis y cinio Nadolig traddodiadol. Maen nhw'n tyfu ar fonyn tua dwy droedfedd o uchder. Ceir rhwng 1.1 ac 1.4 kg o ysgewyll bwytadwy ar bob bonyn. Dywed rhai mai'r Rhufeiniaid ddaeth â nhw i Wledydd Prydain.[1]
![Thumb image](http://upload.wikimedia.org/wikipedia/commons/thumb/2/23/Brussels_sprout_closeup.jpg/640px-Brussels_sprout_closeup.jpg)
Mae'r ysgewyll yn glympiau gwyrdd - gyda phob un yn edrych yn debyg iawn i fresych pitw. Ceir ymchwiliadau gwyddonol sy'n edrych a yw cynnwys rhai llysiau fel brocoli, ysgewyll a bresych, yn gallu helpu i atal cansar megis cancsar ceg y groth[2] a chansar y coluddion. Credir mai'r sinigrin sy'n gyfrifol am y gallu anghyffredin hwn.
Mae ysgewyll yn llawn fitamin A, fitamin C, asid ffolig a ffibr.