From Wikipedia, the free encyclopedia
Mae'r clefyd crafu, yn glefyd heintus o'r gwiddonyn Sarcoptes scabiei.[1] Y symtomau mwyaf cyffredin yw cosi difrifol a rash rebyg i plorod. Os yw unigolyn yn profi'r haint am y tro cyntaf, byddant fel arfer yn datblygu symptomau mewn rhwng dau a chwe wythnos. Os mai dyma'r ail dro iddynt gael yr haint, gall symptomau ymddangos mewn 24 awr. Gall y symptomau hyn fod ar draws y corff i gyd, neu mewn mannau penodol megis ar y garddynau, rhwng bysedd, neu ar hyd eu canol. Gall effeithio ar y pen, ond dim ond mewn plant ifant y gwelir hyn fel arfer. Mae'n aml yn cosi llawer yn waeth gyda'r nos. Gall grafu'r croen achosi haint bacterol ar y croen.[2]
![]() | |
Enghraifft o'r canlynol | clefyd heintus, dosbarth o glefyd ![]() |
---|---|
Math | acarodermatitis, acariasis, haint ar y croen, neglected tropical disease, clefyd heintus, clefyd ![]() |
Enw brodorol | Manqa ![]() |
![]() |
Caiff y clefyd crafu ei achosi gan haint gyda'r gwiddonyn Sarcoptes scabiei var. hominis. Mae'r gwiddon yn mynd yn ddwfn i'r croen i fyw, ac yn gollwng wyau. Mae symptomau'r clefyd crafu o ganlyniad i adwaith alergaidd i'r gwiddon. Yn aml, dim ond rhwng 10 ac 15 gwiddon sy'n rhan o haint. Caiff y clefyd crafu ei ledaenu amlaf yn ystod cyfnod hir o gyswllt croen uniongyrchol ag unigolyn sydd wedi'i heintio (o leiaf 10 munud), megis cysylltiad wrth gael rhyw neu wrth fyw gyda rhywun.[3] Gellir lledaenu'r haint hyd yn oed os nad yw'r unigolyn wedi datblygu symptomau eto. Mae cyfleusterau byw gorlawn, megis mewn cyfleusterau gofal plant, cartref grŵp a charchardai yn cynyddu'r risg lledaenu. Mae hefyd gan ardaloedd sydd â diffyg mynediad at ddŵr gyfraddau uwch o'r clefyd.[4] Mae crefyd crafu crwst yn ffurf mwy difrifol o'r clefyd. Fel arfer, dim ond mewn pobl sydd â system imiwnedd wael mae hyn yn digwydd, a gall pobl gael miliynau o widdon, sy'n golygu eu bod yn fwy heintus. Yn yr achosion hyn, gall yr haint ledaenu yn ystod cyswllt byr neu drwy wrthrych sydd wedi'i heintio. Mae'r gwiddonyn yn fach iawn, ac fel arfer nid oes modd ei weld â'r llygad. Caiff diagnosis ei wneud yn seiliedig ar yr arwyddion a'r symptomau.
Mae nifer o feddyginiaethau ar gael i drin y rhai sydd wedi'u heintio, gan gynnwys eli permethrin, crotamiton, a lindane a thabledi ivermectin.[5] Dylid trin cysylltiadau rhywiol o fewn i mis diwethaf a phobl sy'n byw yn yr un tŷ ar yr un pryd. Dylid golchi dillad a dillad gwely a ddefnyddiwyd yn ystod y tri diwrnod diwethaf, a'u sychu mewn peiriant sychu poeth. Gan nad yw'r gwiddon yn byw am fwy na thri diwrnod i ffwrdd o groen pobl, nid oes angen golchi mwy. Gall symptomau barhau am ddwy neu bedair wythnos yn dilyn triniaeth. Os yw'r symptomau'n parhau ar ôl yr amser hwn, mae'n bosibl y bydd angen triniaeth arall.[6]
Mae'r clefyd crafu yn un o'r tri anhwylder croen mwyaf cyffredin mewn plant, ynghyd â tharwden a chlefydau croen bacterol.[7] Yn 2015, effeithiwyd ar oddeutu 204 miliwn o bobl (2.8% o boblogaeth y byd).[8] Mae yr un mor gyffredin ymhlith menywod a dynion.[9] Caiff pobl ifanc a phobl hŷn eu heffeithio mwyaf. Mae hefyd yn digwydd yn fwy cyffredin yn y byd datblygedig and rhinsawdd trofannol.[10] Nid yw anifeiliaid eraill yn lledaenu clefyd crafu pobl.[11] Caiff anifeiliaid eu heintio fel arfer drwy widdon ychydig yn debyg ond sy'n perthyn, a gânt eu hadnabod fel sarcoptic mange.[12]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.