From Wikipedia, the free encyclopedia
Dinas yn ne-orllewin Moroco yw Tan-Tan (hefyd: Tan Tan) (Arabeg: طانطان). Fe'i lleolir yn rhanbarth Oued Ed-Dahab-Lagouira tua 330 km i'r de o Agadir. Mae tua 71,000 o bobl yn byw yno.
Mae'n adnabyddus am y Moussem de Tan-Tan, gŵyl draddodiadol flynyddol sy'n denu tua 30 o lwythau lleol o'r Sahara. Cafodd y moussem ei dathlu ym Medi 2004 am y tro cyntaf ers 30 mlynedd ac mae UNESCO yn ei chydnabod fel rhan bwysig o ddiwylliant y Maghreb.
Gorwedd Tan-Tan ger y ffin â Gorllewin Sahara, tiriogaeth ddadleuol dan reolaeth Moroco. Hyd 1958 bu'n rhan o'r Sahara Sbaenaidd (Gorllewin Sahara) ond aeth yn rhan o Foroco pan enillodd y wlad ei hannibyniaeth.
Tua 25 km i'r gorllewin o Tan-Tan ar lan y Cefnfor Iwerydd mae tref Tan-Tan Plage (El Ouatia neu Elwatya), sef 'Traeth Tan-Tan' wedi datblygu, lle ceir porthladd pysgota, ffatrioedd prosesu pysgod a thraeth mawr. Mae'r ardal ger y traeth yn cael ei datblygu ar gyfer twristiaeth, e.e. canolfannau Msab Oued Draa a Oued Chbayka.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
