![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/66/Supposed_UFO%252C_Passaic%252C_New_Jersey.jpg/640px-Supposed_UFO%252C_Passaic%252C_New_Jersey.jpg&w=640&q=50)
Soser hedegog
From Wikipedia, the free encyclopedia
Math o wrthrych hedegog anhysbys (UFO) yw soser hedegog sydd â siâp disg (megis soser) a gan amlaf yn fetelaidd ei golwg, ac weithiau gyda goleuadau arni neu yn pelydru ohoni. Mae rhai yn credu taw llongau gofod yn perthyn i fodau arallfydol yw soseri hedegog. Mae eraill yn credu bod esboniadau eraill y tu ôl iddynt, neu bod nifer ohonynt yn gastau.
- Am y losinen, gweler soser hedegog (losinen).
![Thumb image](http://upload.wikimedia.org/wikipedia/commons/thumb/6/66/Supposed_UFO%2C_Passaic%2C_New_Jersey.jpg/640px-Supposed_UFO%2C_Passaic%2C_New_Jersey.jpg)
Ceir cofnodion o wrthrychau hedegog â siâp disg ers yr Oesoedd Canol, ond bathwyd y term Saesneg flying saucer yn sgîl disgrifiad yr Americanwr Kenneth Arnold o wrthrychau hedegog anhysbys a welodd ar 24 Mehefin 1947. Ers profiad Arnold bu nifer fawr o bobl yn honni weld soseri hedegog ar draws y byd. Mae rhai yn defnyddio soser hedegog fel term cyffredinol am unrhyw UFO, ond ceir mathau eraill megis y triongl du.
Disgrifiodd un tyst "llestr mawr" yn yr awyr yn ystod Goleuadau Egryn (1904–5), dros ddeugain mlynedd cyn i'r term Saesneg flying saucer gael ei fathu.[1]