![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/cy/thumb/5/55/Sgorio_Logo.png/640px-Sgorio_Logo.png&w=640&q=50)
Sgorio
From Wikipedia, the free encyclopedia
Rhaglen deledu sy'n dangos pêl-droed ydy Sgorio. Cynhyrchir y rhaglen gan gwmni teledu Rondo ar gyfer S4C. Cafodd y rhaglen gyntaf ei ddarlledu ar 5 Medi 1988[1] ac er ei fod wedi gwneud ei farc trwy ddangos pêl-droed Ewropeaidd, dechreuodd y gyfres trwy ddangos amryw chwaraeon, gan gynnwys ralio, rygbi'r gynghrair, hyrlio, pêl-droed Gaelaidd, hoci ia a dringo.
![]() | |
Fformat | Rhaglen Chwaraeon |
---|---|
Cyflwynydd | Dylan Ebenezer a Morgan Jones |
Sianel | S4C |
Gwlad | Cymru |
Rhaglen Gyntaf | 5 Medi 1988 |
Rhaglen Olaf | presennol |
Wefan | http://www.s4c.co.uk/sgorio |
Uchafbwyntiau pêl-droed o La Liga yn Sbaen a phêl-droed Yr Eidal yn Serie A oedd conglfaen y rhaglen ac, yn y dyddiau cyn teledu lloeren, yn denu gwylwyr o dros Glawdd Offa. Ers 2008 mae Sgorio yn darlledu gêm fyw o Uwch Gynghrair Cymru ar brynhawn Sadwrn gydag uchafbwyntiau gweddill y gemau yn ymddangos ochr yn ochr ag uchafbwyntiau La Liga yn rhaglen nos Lun.
Dylan Ebenezer a Morgan Jones sydd yn cyflwyno gyda chyn ymosodwr Newcastle United a Chymru, Malcolm Allen a chyn chwaraewr canol cae Abertawe a Chymru, Owain Tudur-Jones.